فوتو: bangkokbook.ru
قر ىشكى ىستەر مينيسترلىگى قالا مەن اۋىل تۇرعىندارى ءۇشىن قاۋىپسىز ورتا قۇرۋدى باستى نازاردا ۇستاپ وتىر. كۇن سايىن 14 مىڭنان استام پوليتسيا قىزمەتكەرى مەن ۇلتتىق ۇلان ساربازدارى قوعامدىق ءتارتىپتى ساقتاۋعا جۇمىلدىرىلعان. ەل اۋماعىندا 15 مىڭنان استام پاترۋلدىك باعىت بەلگىلەنىپ, بارلىق قاۋىپتى ايماقتار قامتىلعان. بۇدان بولەك, قىلمىستىڭ قايتالانۋىن بولدىرماۋعا باعىتتالعان ءىس-شارالار جۇرگىزىلىپ جاتىر.
ايتا كەتەيىك, بۇل جۇمىستاردىڭ تيىمدىلىگى بايقالا باستاعان. جىل باسىنان بەرى قوعامدىق ورىنداردا, كوشەلەردە جانە بۇرىن سوتتالعاندار اراسىندا قۇقىق بۇزۋشىلىقتار سانى ازايعان. پوليتسيانىڭ ۇيلەسىمدى ارەكەتتەرى ناتيجەسىندە 10 مىڭنان استام قىلمىس اشكەرەلەنىپ, 10 ميلليونعا جۋىق اكىمشىلىك قۇقىق بۇزۋشىلىقتىڭ جولى كەسىلدى.
ء«بىزدىڭ قىزمەتىمىزدىڭ نەگىزى – «زاڭ مەن ءتارتىپ» قاعيداسى. الدىن الۋ جۇمىستارىنىڭ ارقاسىندا قىلمىس دەڭگەيى 13%-عا تومەندەپ, وتكەن جىلمەن سالىستىرعاندا 9 مىڭعا ازايدى. كىسى ءولتىرۋ, قاراقشىلىق, توناۋ, بۇزاقىلىق, ۇرلىق جانە مال ۇرلىعىنىڭ كورسەتكىشى ازايدى. بۇرىن سوتتالعاندار تاراپىنان جاسالعان قۇقىق بۇزۋشىلىقتار دا, قارۋ قولدانۋمەن بايلانىستى قىلمىستار دا كەمىدى. قىلمىستاردى اشۋ كورسەتكىشى جاقساردى», دەدى ىشكى ىستەر ءمينيسترى ەرجان سادەنوۆ.
