كەلىسىم اياسىندا جاپونيا قازاقستانعا يادرولىق سىناق قۇرباندارىنا قولداۋ كورسەتۋ ماقساتىندا 7,4 ميلليون اقش دوللارى كولەمىندە قايتارىمسىز گرانت بولەدى.
مۇرات نۇرتىلەۋدىڭ ايتۋىنشا, ەكى ەل دە يادرولىق سىناقتاردىڭ قاسىرەتىن باستان وتكەرگەندىكتەن, بۇگىندە يادرولىق قارۋدان ازات الەم ءۇشىن تاباندى كۇرەسىپ كەلەدى. قازاقستان تارابى جاپون ارىپتەسىنىڭ ساپارىنا ايرىقشا ءمان بەرىپ وتىر. بۇل كەزدەسۋ – بيىل 29 تامىزدا سەمەي پوليگونىنىڭ جابىلعانىنا 34 جىل تولاتىن تاريحي كۇن قارساڭىندا وتۋىمەن دە ەرەكشە.
«بيىل حيروسيما مەن ناگاساكيگە جاسالعان اتوم بومباسى شابۋىلىنا 80 جىل تولدى. ال كەلەسى جىلى سەمەي سىناق پوليگونى جابىلعانىنا 35 جىل تولادى», دەدى نۇرتىلەۋ.
ەسكە سالا كەتەيىك, بۇعان دەيىن ەكى ەلدىڭ سىرتقى ىستەر مينيسترلەرى استانادا رەسمي كەلىسسوزدەر وتكىزگەن بولاتىن.
