پرەمەر-ءمينيستردىڭ تاپسىرماسى بويىنشا قۇرامىنا وڭىرلىك ينسپەكتورلار, پرەمەر-ءمينيستردىڭ كەڭەسشىلەرى ەرمەك مارجىقپاەۆ پەن ەرالى توعجانوۆ ەنگەن ۇكىمەتتىك جۇمىس توپتارى كوممۋنالدىق نىسانداردىڭ جاي-كۇيىمەن جانە جوندەۋ جۇمىستارىنىڭ بارىسىمەن تانىستى.
ۇلىتاۋ وبلىسىندا ەرمەك مارجىقپاەۆ جەزقازعان قالاسىنىڭ جەو مەن ساتباەۆ قالاسىنىڭ جىلۋ ستانساسىنداعى جوندەۋ جۇمىستارىنىڭ بارىسىمەن تانىستى, سونداي-اق قالالىق ماگيسترالدىق جىلۋ جەلىلەرىنىڭ قۇرىلىسى مەن رەكونسترۋكتسياسىن تەكسەردى. بۇگىنگى تاڭدا وڭىردە جىلۋ جەلىلەرىن جوندەۋ جۇمىستارى 66%-عا, ەلەكتر جەلىلەرىن جوندەۋ جۇمىستارى 74%-عا ورىندالعان.
اقتوبە وبلىسىندا ەرالى توعجانوۆ اقتوبە قالاسىنىڭ جەو, «باتىس-2» جانە «اقتوبە-سيتي» قازاندىقتارىنىڭ, سونداي-اق «Aqtobe su-energy group» اق جۇكتەمەلەرىنە دايىندىعىن تەكسەردى. ينۆەستيتسيالىق باعدارلامالار اياسىندا كاسىپورىنداردا نەگىزگى جابدىقتار مەن جەلىلەردىڭ توزۋىن ازايتۋعا مۇمكىندىك بەرەتىن جۇمىستار جۇرگىزىلۋدە. بۇگىنگى تاڭدا ايماقتىڭ قىس مەزگىلىنە جالپى دايىندىعى 85%-دى قۇرايدى.
جىلىتۋ ماۋسىمىنا دايىندىق ۇكىمەتتىڭ ەرەكشە باقىلاۋىندا تۇر.
