فوتو: اشىق دەرەككوز
وڭىرلىك ەكولوگيا مينيسترلىگىنىڭ حابارلاۋىنشا, تاۋلىك باسىندا رەسپۋبليكادا جالپى كولەمى 8 402 گەكتارعا جەتكەن 24 ورمان ءورتى تىركەلگەن. ءورت وشاقتارى ۆەرحويانسك, گورنىي, جيگانسك, كوبياي, لەنسك, ميرنينسك, ولەكمينسك, ولەنەك, سۋنتار, سرەدنەكولىمسك, تاتتين, ۋست-الدان جانە چۋراپچا اۋداندارىندا ورنالاسقان. ولاردى سوندىرۋگە 520 ادام مەن 24 تەحنيكا جۇمىلدىرىلعان.
ميرنينسك اۋدانىندا ورمان ورتىنە بايلانىستى توتەنشە جاعداي رەجيمى ەنگىزىلگەن. بۇدان بولەك, ۆەرحويان, ولەكمينسك, چۋراپچا, ەۆەنو-بىتانتاي اۋداندارىندا جانە جاتاي قالالىق وكرۋگىندە ورتكە قارسى شارالار قولدانىسقا ەنگىزىلگەن.
ەسكە سالا كەتەيىك, ياكۋتيا رەسەيدەگى ءورت قاۋپى جوعارى وڭىرلەردىڭ ءبىرى بولىپ سانالادى. اۆياورمانقورعاۋ قىزمەتىنىڭ دەرەكتەرىنە سايكەس, 2024 جىلى رەسپۋبليكادا تابيعي ورتتەردىڭ جالپى اۋماعى شامامەن 3,25 ميلليون گەكتاردى قۇراعان. سونداي-اق, Telegram-ارنادا جاريالانعان مالىمەت بويىنشا, سوڭعى تاۋلىكتە رەسەيدىڭ توعىز ايماعىندا 18 ورمان ءورتىنىڭ تارالۋىنا جول بەرىلمەي, تولىق سوندىرىلگەن. قازىرگى كەزدە جەتى وڭىردە 37 ءورت وشاعىن جويۋ جۇمىستارى جالعاسىپ جاتىر.
ورتپەن كۇرەسكە بارلىعى 1 406 قىزمەتكەر, 114 تەحنيكا بىرلىگى جانە 17 اۋە كەمەسى تارتىلعان.
جالپى ەسەپپەن, رەسەيدىڭ ءتورت ايماعىندا توتەنشە جاعداي رەجيمى جاريالانسا, 58 ايماقتا ەرەكشە ورتكە قارسى ءتارتىپ, ال 87 ايماقتا ءورت قاۋپى جالعاسىپ وتىر.
