اتالعان كەلىسىمشارتقا سايكەس, وبلىس باسشىلىعى 50 ەلدى مەكەندە انتەننا ماتچتالىق دىڭگەك ورناتۋدى ءوز موينىنا العان. ال «بيلاين قازاقستان» سوعان بازالىق ستانتسيالارىن قويدى.
ء«ۇش جىلدىڭ ىشىندە بۇل جوباعا بيۋدجەتتەن 4,4 ملرد تەڭگە ينۆەستيتسيا سالىندى. 2024 جىلى 44 ەلدى مەكەندە انتەنا قۇرىلىسى اياقتالىپ, جەلتوقسان ايىندا 15 اۋىل ساپالى بايلانىس جۇيەسىنە قوسىلدى. بۇل جۇمىستار ءالى جالعاسادى. قازىرگى كەزدە 51 اۋىلدىڭ جوبالىق-سمەتالىق قۇجاتى دايىن», دەيدى وبلىس اكىمى قۇمار اقساقالوۆ.
«بيلاين-قازاقستان» كومپانياسىنىڭ باسشىسى قوندىرعىلارعا جەر ءبولىپ, ونى ورناتۋ جاعىنان قوستاناي وبلىسى باسقا وڭىرلەردەن وزىق تۇرعانىن اتاپ ءوتتى.
«قوستاناي باسقا وڭىرلەرگە قاراعاندا كوش ىلگەرى. قازىر وبلىستا ءبىزدىڭ 450 بازالىق ستانتسيا بار. سونىڭ ارقاسىندا جارتى ميلليونننان استام تۇرعىن ءبىزدىڭ بايلانىستى پايدالانادى. بولاشاقتا كەڭ جولاقتى ينتەرنەتتى ءوز ابونەنتتەرىمىزگە قولجەتىمدى قىلامىز», دەيدى «ۆeeline قازاقستان» كومپانياسىنىڭ باسشىسى راۋان قابدىراحيموۆ.
بيلاين كومپانياسى وبلىس اۋماعىنداعى ەلدى مەكەندەردى تۇگەلدەي 4G ينتەرنەت جەلىسىمەن قامتۋدى كوزدەپ وتىر.
قوستاناي وبلىسى
