اۋەجاي قىزمەتكەرلەرى مەن پوليتسيانىڭ مالىمەتىنشە, بورتتا 27 جاستاعى ايەل سابيىمەن بىرگە بولعان. ول ۇشاق قونعاننان كەيىن وسىنداي مالىمدەمە جاساعان. جۇرگىزىلگەن مۇقيات تەكسەرىستەن كەيىن جارىلعىش زات تابىلعان جوق.
جولاۋشى ۇستالدى. ماڭعىستاۋ كولىكتەگى پوليتسياسى ايەلگە قاتىستى «تەرروريزم اكتىسى تۋرالى كورىنەۋ جالعان اقپارات تاراتۋ» بابىمەن قىلمىستىق ءىس قوزعادى.
— تەرگەۋ جالعاسىپ جاتىر. قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە مالىمەتتەر جاريالانبايدى, — دەپ حابارلادى ۆەدومستۆو.
سونىمەن قاتار ماڭعىستاۋ ستانتسياسى جەلىلىك پوليتسيا ءبولىمىنىڭ اعا ينسپەكتورى راحىم ورىنباەۆ ايەلدىڭ پسيحونەۆرولوگيالىق ديسپانسەردە ەسەپتە تۇرعانىن ايتتى.
— كورىنەۋ جالعان تەرروريزم اكتىسى تۋرالى حابارلاما فاكتىسى بويىنشا قىلمىستىق ءىس قوزعالدى. قازىرگى ۋاقىتتا تەرگەۋ جۇرگىزىلىپ جاتىر. ايەل پسيحونەۆرولوگيالىق ەسەپتە تۇر, — دەدى ول.
