قالالىق جيتس ورتالىعى باس دارىگەرىنىڭ مىندەتىن اتقارۋشى ق.ماشيروۆتىڭ ايتۋىنشا ايتۆ–ينفەكتسياسىن ەرتە انىقتاۋ ناۋقاستىڭ ءوزى ءۇشىن دە ماڭىزدى. ويتكەنى ول انتيرەتروۆيرۋستىق (ارۆ) پرەپاراتتارى قابىلداۋدى ۋاقىتىلى باستاۋعا مۇمكىندىك بەرەدى. سونىمەن قاتار ۆيرۋستىڭ باسقا ادامدارعا بەرىلۋىن توقتاتۋعا كومەكتەسەدى. ايتۆ-عا جىلدام تەستىلەر – سكرينينگتىك دياگنوستيكاداعى ناعىز جەتىستىك.
«ايتۆ-عا ەكسپرەسس-تەستتەر – بۇل قاندا, قان سارىسۋى مەن پلازمادا, سىلەكەيدە ۆيرۋسقا انتيدەنەلەردىڭ بولۋىن انىقتايتىن ارنايى تەست جۇيەلەر. ەگەر ستاندارتتى زەرتحانالىق زەرتتەۋلەر ناتيجەلەرىن 2-3 كۇن كۇتۋ قاجەت بولسا, - ەكسپرەسس ادىستەر بار بولعانى 15-20 مينۋت ىشىندە ادامنىڭ ايتۆ ستاتۋسىن بىلۋگە مۇمكىندىك بەرەدى. ولاردى مەديتسينالىق ۇيىمداردا دا, ءوزىن-ءوزى دياگنوستيكالاۋ ءۇشىن ۇيدە دە جاساۋعا بولادى» دەدى ق.ماشيروۆ.
جالپى ەلىمىزدە ايتۆ-مەن كۇرەسۋ جول كارتاسىندا 95-95-95 ستراتەگياسى قابىلدانعان. ياعني 2030 جىلعى قاراي, ايتۆ-مەن ءومىر سۇرەتىن ادامداردىڭ 95% ءوز ستاتۋسىن ءبىلۋى ءتيىس. وسى ماقساتقا جەتۋ ءۇشىن حالىقتىڭ نەگىزگى توپ وكىلدەرىنە ايتۆ-عا تەستىلەۋدەن ءوتۋ قولجەتىمدىلىگىن ودان ءارى ارتتىرۋ جانە ءوزىن-ءوزى تەستىلەۋدى كەڭەيتۋ قاجەتتىگىن اتاپ ءوتتى مامان.
سونداي-اق بۇل ءادىس جاستارعا, ءارتۇرلى سەبەپتەرمەن, سونىڭ ىشىندە كەمسىتۋدەن ۇيالىپ, مەديتسينالىق ۇيىمدارعا بارۋدان باس تارتىپ جۇرگەن ادامدارعا, ءومىر سالتىنىڭ ەرەكشەلىكتەرىنە بايلانىستى ايتۆ ينفەكتسياسىن جۇقتىرۋدىڭ جوعارى قاۋپىنە ۇشىراعان حالىق توپتارىنا وتە قولايلى. قازىرگى تاڭدا جيتس ورتالىعىنىڭ ماماندارى ءوزىن-ءوزى تەستىلەۋدى ايتۆ–مەن ءومىر سۇرەتىن ادامداردىڭ جۇبايلارىنا دا ۇسىنىپ جاتىر.
شىمكەنت
