اقپاراتتى اقمولا وبلىستىق سوتىنىڭ ءباسپاسوز قىزمەتى راستادى. دەگەنمەن, بايجانوۆتىڭ ناقتى قاشان بوستاندىققا شىعاتىنى تۋرالى رەسمي اقپارات ازىرگە جاريالانعان جوق.
ەسكە سالا كەتەيىك, 9 شىلدەدە باقىتجان بايجانوۆ ستەپنوگورسك اۋداندىق سوتىنا ءوتىنىش ءتۇسىردى. ايدىڭ سوڭىندا سوت ونىڭ جازاسىن قىسقارتۋ تۋرالى ءوتىنىشىن قاناعاتتاندىردى.
باقىتجان بايجانوۆتىڭ ادۆوكاتى عازيز ىنتىقباەۆ بايجانوۆتىڭ قازىر ستەپنوگورسكىدەگى ورتاشا قاۋىپسىزدىك مەكەمەسىندە جازاسىن وتەپ جاتقانىن ايتقان ەدى. ال ونىڭ اعاسى قۋاندىق بيشىمباەۆ ستەپنوگورسكىدەگى №5 قاۋىپسىزدىگى جوعارى مەكەمەسدە قاماۋدا وتىر.
ىنتىقباەۆتىڭ سوزىنشە, 2025 جىلدىڭ جازىنان باستاپ ونىڭ قورعاۋشىسى شارتتى تۇردە مەرزىمىنەن بۇرىن بوساتىلۋ جونىندە ءوتىنىش بەرۋگە قۇقىلى. سونداي-اق ادۆوكات باقىتجان بايجانوۆتىڭ قازاقستاندا جاريالانعان امنيستياعا ىلىنەتىنىن اتاپ ءوتتى. الايدا ول تولىقتاي قىلمىستىق جاۋاپكەرشىلىكتەن بوساتىلمايدى.
ەسكە سالايىق, 23 ماۋسىمدا پرەزيدەنت قاسىم-جومارت توقاەۆ كونستيتۋتسيانىڭ 30 جىلدىعىنا وراي راقىمشىلىق جاريالاعان ەدى. بۇل راقىمشىلىق 15 مىڭنان استام سوتتالعاندى قامتيدى.
