وقيعا 20 تامىز كۇنى كەشكى ۋاقىتتا بولعان. ابباسقا الاڭداعان كورشىسى قوڭىراۋ شالىپ, جاعدايدى بايانداعان. ونىڭ پاتەر جالداۋشىسى 18-قاباتتان سەكىرمەك بولعان بەيتانىس قىزدى توقتاتىپ, پاتەرىنە كىرگىزگەن. دەگەنمەن, ايەل ادام قىزدىڭ قايتا ارەكەت ەتۋى مۇمكىن دەپ الاڭداۋلى ەدى.
ابباس ۇيدەگى تۇرعىندار كەڭەسىنىڭ مۇشەسى بولعاندىقتان, بەينەباقىلاۋ كامەرالارىنىڭ جازباسىنا قول جەتكىزە العان. جازبالاردى قاراپ وتىرىپ, قىزدىڭ تاعى دا 8-قاباتقا كوتەرىلىپ, بالكوندا قوشتاسۋ حات جازىپ جاتقانىن بايقاعان. اقىرىندا ونى 12-قاباتتان تاۋىپ العاندا قىز بالكوننىڭ شەتىندە وتىرعان ەدى.
ابباس وعان بايقاتپاي جاقىنداپ, جىلى سويلەسە باستاعان. ءساتى كەلگەندە, قىزدى قۇشاقتاپ, قاۋىپسىز جەرگە الىپ شىققان. كەيىن ۋچاسكەلىك ينسپەكتوردى شاقىرعان. ابباس ءوزىنىڭ بۇل ارەكەتىن ەرلىك دەپ ەسەپتەمەيدى.
ء«اربىر ادام ءومىرى – باعا جەتپەس قۇندىلىق. ول ءبىر-اق رەت بەرىلەدى, سوندىقتان قادىرلەي ءبىلۋ كەرەك. ۇلكەن قايعىنىڭ الدىن العانىما قۋانىشتىمىن», دەدى ول.
ابباس – «شابىت» قازاق ۇلتتىق ونەر ۋنيۆەرسيتەتىنىڭ «ساكسوفون» ماماندىعى بويىنشا بىتىرگەن. 36 جاستاعى شىمكەنت قالاسىنىڭ تۋماسى 2014 جىلدان بەرى قر قارۋلى كۇشتەرىندە قىزمەت ەتەدى.
