جەو-لاردىڭ توزۋىن تومەندەتۋ ماسەلەلەرى ۇكىمەتتىڭ ەرەكشە باقىلاۋىندا. ەنەرگەتيكا ءمينيسترى ەرلان اقكەنجەنوۆتىڭ ايتۋىنشا, ەلدە اۋقىمدى جوندەۋ ناۋقانى جۇرگىزىلىپ جاتىر. بيىل 10 ەنەرگيا بلوگىنا, 63 قازاندىققا جانە 39 تۋربيناعا كۇردەلى جوندەۋ جۇمىستارى جوسپارلانعان.
«بۇل جۇمىس قازىردىڭ وزىندە ناتيجە بەردى. ەل بويىنشا جەو-لاردىڭ ورتاشا توزۋى 61 پايىزعا دەيىن تومەندەدى. وتكەن جىلىتۋ ماۋسىمىنىڭ قورىتىندىسى بويىنشا 9 جەو قاۋىپتى قىزىل ايماقتان سارى ايماققا, ال 3 جەو سارى ايماقتان جاسىل ايماققا ءوتتى», دەدى ە. اقكەنجەنوۆ.
جۇرگىزىلىپ جاتقان شارالار قازىردىڭ وزىندە ناقتى ناتيجە بەرىپ جاتىر: قۇرال-جابدىقتى جاڭعىرتۋ مەن جاڭارتۋ ناتيجەسىندە ەلىمىزدەگى جەو-لاردىڭ ورتاشا توزۋى 64%-دان 61%-عا دەيىن تومەندەدى.
ۇكىمەت جىل سايىن توزۋدى ازايتۋ جانە نىسانداردى قاۋىپتى ايماقتاردان قاۋىپسىز پايدالانۋ ايماعىنا كوشىرۋ ماقساتىندا جەو جاڭعىرتۋ باعدارلاماسى جۇيەلى تۇردە جالعاساتىنىن ايتتى.
