مەديتسينا • 20 تامىز, 2025

بەستەرەكتەگى جول اپاتىنان زارداپ شەككەن ەكى بالا استاناعا جەتكىزىلەدى

50 رەت

كورسەتىلدى

1 مين

وقۋ ءۇشىن

اباي وبلىسىنىڭ ءۇرجار اۋدانى بەستەرەك اۋىلىنداعى جول-كولىك وقيعاسىنان زارداپ شەككەن ەكى بالانى استانا قالاسىنداعى №2 كوپ بەيىندى قالالىق بالالار اۋرۋحاناسىنا ەمدەۋگە جاتقىزۋ تۋرالى شەشىم قابىلدانعان. بۇل تۋرالى دەنساۋلىق ساقتاۋ مينيسترلىگى حابارلادى, دەپ جازادى Egemen.kz.

دانا مىرزاقادىر

بەستەرەكتەگى جول اپاتىنان زارداپ شەككەن ەكى بالا استاناعا جەتكىزىلەدى

فوتو: دسم

پاتسيەنتتەر ۇلتتىق شۇعىل مەديتسينانى ۇيلەستىرۋ ورتالىعىنىڭ ء(ۇشمۇو) سانيتاريالىق اۆياتسيا بورتىمەن استاناعا جەتكىزىلەدى.

بورتتا بالالارعا ءۇشمۇو رەانيماتولوگى ە. شاقان, استانا قالاسىنىڭ №2 كوپ بەيىندى قالالىق بالالار اۋرۋحاناسىنىڭ تراۆماتولوگى ن. جاكيپوۆ جانە ۇلتتىق نەيروحيرۋرگيا ورتالىعىنىڭ (ۇنحو) نەيروحيرۋرگى س. سەيتبەكوۆ دارىگەرلەر بريگاداسى قۇرامى مەديتسينالىق كومەك كورسەتەدى.

وقيعا ورنىندا بىردەن اۋداندىق اۋرۋحانادا وبلىستىق جانە رەسپۋبليكالىق دەڭگەيدەگى مامانداردان قۇرىلعان مۋلتيتارتىپتىك بريگادا تولىق دياگنوستيكالىق زەرتتەۋ جۇرگىزىپ, زارداپ شەككەندەردىڭ جاعدايىن باعالادى جانە جەدەل ەمدەۋ جوسپارىن جاساعان.

«بالا جاعدايىنىڭ تۇراقسىزدىعى ەسكەرىلە وتىرىپ, پاتسيەنتتەردىڭ ءبىرى – توعىز جاسار قىز بالا اباي وبلىسىنىڭ باس شتاتتان تىس انەستەزيولوگ-رەانيماتولوگى د. كاريموۆتىڭ باقىلاۋىمەن جاعدايى تۇراقتالعانعا دەيىن ستاتسيوناردا قالدىرىلدى», دەلىنگەن مينيسترلىك حابارلاماسىندا.

ايتا كەتەيىك, 19 تامىز كۇنى اباي وبلىسىنىڭ ءۇرجار اۋدانىندا 55 جاستاعى جۇرگىزۋشى كولىك تىزگىنىنە يە بولا الماي 3 بالانى وپات ەتكەن ەدى. قالعان 3 بالا اۋرۋحاناعا جەتكىزىلگەن بولاتىن.