فوتو: freepik.com
ۇكىمەتتىڭ ءباسپاسوز قىزمەتىنىڭ مالىمدەۋىنشە ەلىمىزدە جالعان تىركەۋلەرمەن كۇرەسۋ ماقساتىندا ىسكە قوسىلعان پاتسيەنتتەردى تسيفرلىق سايكەستەندىرۋ جوباسى ناتيجەسىندە بيۋدجەتكە 4,7 ملرد تەڭگە ۇنەمدەلدى. Face ID تەحنولوگياسىن قولدانۋ نەگىزسىز كورسەتىلگەن مەديتسينالىق قىزمەتتەر سانىن 6%-عا قىسقارتۋعا مۇمكىندىك بەرگەن.
سونىمەن قاتار ەڭ جوعارى سۇرانىسقا يە 8 مەديتسينالىق انىقتاما ءتۇرى تسيفرلاندىرىلدى:
- 073/ۋ «كولىك قۇرالىن باسقارۋعا رۇقسات بەرۋ»,
- 075/ۋ «مەديتسينالىق انىقتاما»,
- 052-2/ۋ «بالانىڭ دەنساۋلىق پاسپورتى»,
- 026/ۋ «دكك قورىتىندىسى»,
- 069/ۋ «ساناتوري-كۋرورتتىق كارتا»,
- 076/ۋ «قارۋ ۇستاۋعا رۇقسات الۋ»,
- 038/ۋ «ۋاقىتشا ەڭبەككە جارامسىزدىق تۋرالى انىقتاما».
جىل باسىنان بەرى اقپاراتتىق جۇيەلەردە 4,7 ملن-نان استام وسىنداي قۇجات تىركەلدى. قازىرگى ۋاقىتتا «ەڭبەككە جارامسىزدىق پاراقتارىن» قاعاز تۇرىندە قولدانۋدى تولىقتاي الىپ تاستاۋ جۇمىستارى جۇرگىزىلىپ جاتىر. مەديتسينالىق اقپاراتتىق جۇيەلەردىڭ فۋنكتسيونالى وڭتايلاندىرىلىپ, مەديتسينا قىزمەتكەرلەرىنە تۇسەتىن جۇكتەمە 40%-عا دەيىن ازايدى. ماڭىزدى قادامداردىڭ ءبىرى – بيىلعى جىلدىڭ قىركۇيەگىنەن باستاپ جاساندى ينتەللەكت نەگىزىندەگى «دارىگەر كومەكشىسىن» ەنگىزۋ, بۇل دياگنوستيكا ۇدەرىسىن وڭتايلاندىرۋعا جانە قاتەلىكتەردى بارىنشا ازايتۋعا مۇمكىندىك بەرەدى.
