فوتو: اشىق دەرەككوز
ەلىمىزدە الەمنىڭ جەتەكشى مەديتسينالىق ورتالىقتارىمەن قاتار قوياتىن بىرەگەي وپەراتسيالار جاسالىپ جاتىر. جۇرەك پەن وكپەنى ترانسپلانتاتسيالاۋ, سونداي-اق بۇيرەكتىڭ ۇشجاقتى ايقاسپالى ترانسپلانتاتسياسى سياقتى اسا كۇردەلى وپەراتسيالار جاسالادى. قازاقستان وسىنداي وپەراتسيالار ورىندالاتىن الەمدەگى التى ەلدىڭ قاتارىنا كىرەدى.
مي اۋرۋلارىن ەمدەۋ تۇرعىسىندا «گامما-پىشاق» تەحنولوگياسى قولدانىلسا, ونكولوگيالىق دەرتتەرگە قارسى زاماناۋي پروتوندىق تەراپيا ەنگىزىلىپ جاتىر.
ينفراقۇرىلىمدى جاڭارتۋ باعىتىندا اۋقىمدى جۇمىس جۇرگىزىلىپ وتىر. «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا جوسپارلانعان 655 نىساننىڭ 511-ءى سالىندى.
«بۇل نىساندار بۇرىن مەديتسينالىق وبەكتىلەرمەن قامتىلماعان اۋىلداردا, سونداي-اق ەسكىرگەن جانە بەيىمدەلمەگەن ءۇي-جايلاردىڭ ورنىنا سالىنىپ جاتىر. بۇل ورتالىقتار 1 ميلليونعا جۋىق اۋىل تۇرعىندارىن مەديتسينالىق قىزمەتتەرمەن قامتيدى», دەپ اتاپ ءوتتى دەنساۋلىق ساقتاۋ ءمينيسترى اقمارال ءالنازاروۆا.
36 وبلىستىق اۋرۋحانا مەن 17 پەريناتالدىق ورتالىققا جاڭعىرتۋ جۇمىستارى جۇرگىزىلىپ جاتىر. بالالار بولىمشەلەرىندەگى توسەك-ورىن قورى 38%-عا ۇلعايدى. شامامەن 2,1 مىڭ بىرلىك مەديتسينالىق جابدىق ساتىپ الىنىپ, سونىڭ ناتيجەسىندە جاراقتاندىرۋ دەڭگەيى 86%-عا (62%-دان) دەيىن ءوستى.
