فوتو: مەرەي قاينار ۇلى
«جاز مەزگىلىندە ءورتتىڭ شىعۋ سەبەپتەرى ءارتۇرلى. مىسالى, سامار جانە ۇلان اۋداندارىندا ءورتتىڭ باسىم بولىگى نايزاعاي سالدارىنان بولعان. ال باسقا اۋدانداردا سەبەپ كوبىنە ادام فاكتورى. ياعني, تابيعات اياسىندا دەمالۋ, وت جاعۋ كەزىندە قاۋىپسىزدىك ساقتامايدى» دەدى مەرحات ءامىروۆ.
اۋماقتى باقىلاۋ جانە پاترۋلدەۋ ءۇشىن ءتورت تىكۇشاق جۇمىلدىرىلىپ, ولار 556 ساعات اۋەدە بولعان. ورمان كۇزەتىنىڭ قاراماعىندا 1 181 قىزمەتكەر, 196 تەحنيكا, ءۇش مىڭنان استام جابدىق جانە التى درون بار. بۇدان بولەك, تاعى 26 پيلوتسىز ۇشۋ قۇرىلعىسىن ساتىپ الۋ جوسپارلانىپ وتىر. سونداي-اق, 29 توننا ديزەل, 48 توننا بەنزين قورى جاساقتالعان.
بيىل 62 شاقىرىم جاڭا مينەرالدى جولاق جىرتىلىپ, ۇزىندىعى 540 شاقىرىم بۇرىنعى جولاقتارعا كۇتىم جاسالدى. سوڭعى جەتى جىلدا ورمان شارۋاشىلىقتارىنىڭ ماتەريالدىق-تەحنيكالىق بازاسىن نىعايتۋعا وبلىستىق بيۋدجەتتەن 2,162 ملرد تەڭگە بولىنگەن. بۇل قارجىعا ءورت ءسوندىرۋ جانە پاترۋلدىك كولىكتەر, تراكتورلار, شاعىن ءورت كەشەندەرى مەن وزگە دە جابدىقتار ساتىپ الىنعان.
2025 جىلى قوسىمشا ءۇش ۆاحتالىق كولىك ساتىپ الىندى. سونىمەن قاتار, «ونەركاسىپتى دامىتۋ قورى» اق ارقىلى ليزينگتىك نەگىزدە تاعى 110 تەحنيكا الۋ جوسپارلانىپ وتىر. ونىڭ جالپى قۇنى 3,9 ملرد تەڭگە.
بۇدان بولەك, 129 ورمان كۇزەتى قىزمەتكەرى شقو تجد جانىنداعى ازاماتتىق قورعاۋ اكادەمياسىندا وقىتۋدان ءوتتى. ايماقتاعى ورمان مەكەمەلەرىندە تاۋلىك بويى كەزەكشىلىك ۇيىمداستىرىلعان.
شىعىس قازاقستان وبلىسى
