الماتىدا مۇنداي شاعىن ساۋدا ورىندارىنىڭ سانى 3,5 مىڭنان اسادى. كاسىپ يەلەرى جۇكتەمەنىڭ ارتىپ, ەرەجەلەردىڭ ۇنەمى وزگەرىپ جاتقانىنا الاڭداۋلى. كاسىپكەرلەر ەكى نەگىزگى پروبلەماعا توقتالدى. ءبىرىنشىسى – 4 پايىز كولەمىندەگى بولشەك سالىق. شاعىن دۇكەن يەلەرى رەنتابەلدىلىكتى ساقتاپ قالۋ ءۇشىن ونى 2 پايىزعا دەيىن تومەندەتۋدى تالاپ ەتۋدە. سونداي-اق ولاردى تسيفرلاندىرۋ جانە ءموبيلدى اۋدارىمدار ماسەلەسى تولعاندىرادى. اۋدارىمداردى باقىلاۋعا باعىتتالعان جاڭا ەرەجەلەر دە الاڭداتۋدا. بانكتىك كوميسسيا مولشەرى 5 پايىزعا دەيىن جەتىپ, كاسىپكەرلەردىڭ تابىسىن ازايتادى. سالىقتىق جۇكتەمەنىڭ ارتۋى مەن جاڭا تالاپتاردىڭ ەنگىزىلۋى ءسوزسىز باعانىڭ كوتەرىلۋىنە اكەلمەك, ال مۇنداي ساۋدا نۇكتەلەرىندەگى باعا دەڭگەيى قالا تۇرعىندارىنىڭ ساتىپ الۋ قابىلەتىنە تىكەلەي اسەر ەتەدى.
قازىر جەكەلەگەن دۇكەندەر ەسكىرگەن ۇلگىمەن جۇمىس ىستەۋدە. كۇن سايىن وتىزعا جۋىق باستاپقى قۇجات تولتىرۋعا, سالىستىرۋ اكتىلەرىن راسىمدەۋگە جانە قولما-قول ەمەس تولەمدەردى جۇرگىزۋگە ءماجبۇر. زاڭدى ءارى جەڭىل تۇردە بيزنەس جۇرگىزۋگە ارنالعان قۇرالدار جوق. ساراپشىلاردىڭ پىكىرىنشە, نارىقتى كولەڭكەدەن شىعارۋ ءۇشىن بيزنەستى اۆتوماتتاندىرۋ, بىرىڭعاي ورتالىقتاندىرىلعان ساتىپ الۋ جۇيەسىن قۇرۋ, بۋحگالتەرلىك اۋتسورسينگ پەن كادرلىق ءاۋديتتى ەنگىزۋ سياقتى جۇيەلى قادامدار قاجەت.
ايتۋار قوشمامبەتوۆتىڭ ايتۋىنشا, ءدال وسىنداي ماسەلەلەر تالقىلانۋعا ءتيىس. ونىڭ سوزىنشە, شاعىن بيزنەس تۇسىنىكتى ءارى ءادىل ەرەجەلەرمەن جۇمىس ىستەۋى كەرەك, ال قازىرگى جاعدايدا ولار تەك قىسىمعا شىداپ, كۇن كورۋدە.
– ەگەر بولشەك ساۋدا سالىعى مەن تسيفرلاندىرۋ ماسەلەسىن كاسىپكەرلەرمەن اشىق ديالوگ ارقىلى شەشپەسەك, تۇتاس ءبىر نارىق سەگمەنتىنەن ايىرىلىپ قالۋىمىز مۇمكىن. ال ول دەگەنىمىز – جۇمىس ورىندارى, سالىق ءتۇسىمى جانە حالىق ءۇشىن تاۋاردىڭ قولجەتىمدىلىگى. ء«ۇي جانىنداعى دۇكەندەر» ەرتەڭىنە سەنىمدى بولۋعا ءتيىس, – دەدى ءماجىلىس دەپۋتاتى.
ساپار اياسىندا دەپۋتات IT-كومپانيالاردىڭ, الماتى قالاسى قوعامدىق كەڭەسىنىڭ مۇشەلەرىمەن كەزدەسىپ, ورتالىق ازيا فرانچايزينگ قاۋىمداستىعى ۇيىمداستىرعان ءىس-شاراعا قاتىستى. سونداي-اق ازاماتتاردى جەكە قابىلداۋ وتكىزدى. كەزدەسۋلەر بارىسىندا سالىق جۇكتەمەسى, كاسىپكەرلىكتى قولداۋ جانە نارىقتاعى بارلىق قاتىسۋشى ءۇشىن تەڭ جاعداي جاساۋ ماسەلەلەرى تالقىلاندى.
