17 جاستاعى مەكتەپ وقۋشىسى وزىنە قول سالدى. الدىن الا بولجام بويىنشا, ول اۋلادا تۋرنيككە اسىلىپ قالعان.
دۇيسەنبى كۇنى, 18 تامىز تاڭەرتەڭ ءجاسوسپىرىمنىڭ اكەسى اۋلاعا شىعىپ, ۇلىن تۋرنيككە اسۋلى كۇيدە كورگەن. تۋىستارىنىڭ ايتۋىنشا, ول تىنىش مىنەزدى بالا بولعان, جاقىندارىمەن جانجالداسپاعان. مۇنداي قادامعا ونى نە يتەرمەلەگەنىن ولار تۇسىنە الماي وتىر.
«كامەلەتكە تولماعاننىڭ ءولىمى فاكتىسى بويىنشا قىلمىستىق ءىس قوزعالدى. وقيعانىڭ ءمان-جايى مەن سەبەپتەرىن انىقتاۋ ءۇشىن پوليتسيا قاجەتتى تەرگەۋ امالدارىن جۇرگىزىپ جاتىر. قر قپك-ءنىڭ 201-بابىنا سايكەس وزگە مالىمەتتەر جاريا ەتۋگە جاتپايدى», — دەپ حابارلادى سقو پد ءباسپاسوز قىزمەتى.
مارقۇم ءجاسوسپىرىمنىڭ وتباسىن تانيتىندار ونىڭ ارتىندا ولەر الدىندا حات قالدىرماعانىن ايتادى.
