يممۋندىق جۇيەنىڭ السىرەۋى
ۇلىبريتانيانىڭ ۇلتتىق دەنساۋلىق ساقتاۋ قىزمەتى (NHS) مالىمەتىنشە, ۇيقى كەزىندە اعزا سىرتقى زياندى اسەرلەردەن قورعانۋ ءۇشىن ەرەكشە بەلسەندىلىك تانىتادى. يممۋندىق جۇيە ۇيقى بارىسىندا تسيتوكيندەر دەپ اتالاتىن قورعانىس زاتتارىن وندىرەدى. بۇل زاتتار باكتەريالار مەن ۆيرۋستارمەن كۇرەسۋگە كومەكتەسەدى. ۇيقى تاپشىلىعى بۇل پروتسەستى بۇزىپ, اعزانىڭ قورعانىس قابىلەتىن السىرەتەدى. زەرتتەۋلەر كورسەتكەندەي, تاۋلىگىنە 6 ساعاتتان از ۇيىقتاۋ ۆاكتسينالارعا اعزانىڭ رەاكتسياسىن تومەندەتۋى مۇمكىن.
تىنىشسىزدىق پەن مازاسىزدىق
مامانداردىڭ ايتۋىنشا, ۇيقى مەن مازاسىزدىق ءبىر-بىرىمەن تىعىز بايلانىستى. ۇيقى تاپشىلىعى كۇيزەلىستى كۇشەيتەدى, ال كۇيزەلىس ءوز كەزەگىندە ۇيقىنى بۇزادى. وسىلايشا, بۇل ماسەلە تۇيىق تسيكلگە اينالىپ, پسيحيكالىق جاعدايدى ناشارلاتادى.
گورمونالدى تەپە-تەڭدىكتىڭ بۇزىلۋى
ۇيقىنىڭ جەتكىلىكسىزدىگى ايەلدەردىڭ رەپرودۋكتيۆتىك جۇيەسىنە دە اسەر ەتۋى مۇمكىن. عالىمداردىڭ زەرتتەۋلەرى ۇيقى تاپشىلىعى قالقانشا بەز گورموندارىنىڭ دەڭگەيىنە اسەر ەتىپ, ەتەككىر تسيكلىنىڭ بۇزىلۋىنا, انوۆۋلياتسياعا جانە باسقا دا قيىندىقتار تۋدىراتىنىن انىقتادى.
سالماقتىڭ ارتۋى
ۇيقى اعزاداعى گورموندار دەڭگەيىنە اسەر ەتەدى. ۇيقى تاپشىلىعى تابەتتى ارتتىرىپ, ارتىق تاماقتانۋعا جانە سالماق قوسۋعا اكەلەدى. سونىمەن قاتار زەرتتەۋلەر جاقسى ۇيىقتاماعان ادامداردا سەمىزدىككە بەيىمدىلىك جوعارى بولاتىنىن كورسەتتى.
جۇمىس ونىمدىلىگىنىڭ تومەندەۋى
ۇيقىنىڭ ساپاسى مەن كولەمى كۇندەلىكتى بەلسەندىلىككە دە اسەر ەتەدى. ەگەر ادام جەتكىلىكتى دەمالماسا, ونىڭ زەيىنى, ەستە ساقتاۋ قابىلەتى جانە شەشىم قابىلداۋ داعدىلارى ناشارلايدى. بۇل جۇمىس ونىمدىلىگىن تومەندەتىپ, شارشاڭقىلىقتى ارتتىرادى.
ەستە ساقتاۋ قابىلەتىنىڭ السىرەۋى
ۇيقى جەتكىلىكسىزدى تەك زەيىن مەن ونىمدىلىككە عانا ەمەس, ۇزاقمەرزىمدى كوگنيتيۆتىك دەنساۋلىققا دا اسەر ەتەدى. زەرتتەۋلەر جەتكىلىكتى تۇردە ۇيىقتاماۋ ەستە ساقتاۋ قابىلەتىن ناشارلاتىپ, ويلاۋ جىلدامدىعىن تومەندەتەتىنىن كورسەتكەن. ودان بولەك, سوزىلمالى ۇيقىسىزدىق التسگەيمەر اۋرۋىنىڭ دامۋ قاۋپىن ارتتىرۋى مۇمكىن.
ۇيقى ساپاسىن جاقسارتۋ جولدارى
ۇيقى رەجيمىن ساقتاۋ ماڭىزدى. كۇندەلىكتى رەجيمدى قالىپتاستىرۋ, ەكران ۋاقىتىن شەكتەۋ, فيزيكالىق بەلسەندىلىكپەن اينالىسۋ جانە جايلى ورتا جاساۋ ساپالى دەمالىسقا ىقپال ەتەدى.
