كونفەرەنتسياعا جەرگىلىكتى اتقارۋشى ورگانداردىڭ وكىلدەرى, قوعامدىق بىرلەستىكتەردىڭ جەتەكشىلەرى جانە ءوڭىردىڭ بەلسەندى تۇرعىندارى قاتىستى. جيىننىڭ باستى ماقساتى – بيلىك پەن قوعام اراسىندا اشىق تا ناتيجەلى ديالوگ ورناتىپ, جەرگىلىكتى اتقارۋشى ورگانداردىڭ جۇمىس تيىمدىلىگىن ارتتىرۋعا باعىتتالعان ناقتى ۇسىنىستاردى قالىپتاستىرۋ بولدى.
كونفەرەنتسياعا قاتىسۋشىلار كوپپاتەرلى تۇرعىن ءۇيدى باسقارۋ جانە م ۇلىك يەلەرى بىرلەستىكتەرىنىڭ (ميب) قىزمەتىن ۇيىمداستىرۋ ماسەلەلەرىنە ايرىقشا نازار اۋداردى. «مەنىڭ ءۇيىم» قوستاناي وبلىستىق قاۋىمداستىعىنىڭ توراعا مىندەتىن اتقارۋشى سايلاۋ اسىلباەۆ وسى سالاداعى پروبلەمالاردىڭ ءالى دە وزەكتى ءارى وتكىر كۇيىندە تۇرعانىن اتاپ ءوتتى.
– قوستاناي وبلىسىنداعى كوپقاباتتى ۇيلەردىڭ جارتىسىنان استامى ءالى كۇنگە دەيىن باسقارۋ نىسانىن ايقىنداماعان. سونىڭ سالدارىنان اۋلالار اباتتاندىرىلماي, جوندەۋ جۇمىستارى سوزىلىپ كەلەدى, ال تۇرعىندار ءوز قارجىسىنىڭ قايدا جۇمسالىپ جاتقانىن بىلمەيدى. م ۇلىك يەلەرى بىرلەستىكتەرى مەن قاراپايىم تۇرعىندارعا ساۋاتتى كەڭەس, جۇيەلى باقىلاۋ جانە تۇراقتى قولداۋ قاجەت. ءبىز دەپۋتاتتارمەن جانە جەرگىلىكتى بيلىك ورگاندارىمەن بىرلەسە وتىرىپ, بۇل سالادا ءتارتىپ ورناتۋعا دايىنبىز. ەگەر تۇرعىندار ناقتى ناتيجەنى كورسە, ميب-كە دە, كوندومينيۋمدارعا دا دەگەن سەنىم ارتا تۇسەر ەدى, – دەدى.
بۇدان بولەك, نۇرلان اۋەسباەۆ «اۋەجاي» شاعىن اۋدانىنىڭ باستاپقى پارتيا ۇيىمى بەلسەندىلەرىمەن جۇزدەستى. كەزدەسۋ بارىسىندا ۇيىمنىڭ ستراتەگيالىق مىندەتتەرى, الداعى جوسپارلارى جانە تۇرعىنداردى قوعامدىق باستامالارعا كەڭىنەن تارتۋ تەتىكتەرى ءسوز بولدى. سونداي-اق شاعىن اۋداننىڭ ينفراقۇرىلىمىن جەتىلدىرۋ, الەۋمەتتىك قولجەتىمدىلىكتى ارتتىرۋ جانە حالىقتىڭ ءومىر ساپاسىن جاقسارتۋ جونىندە بىرقاتار ۇسىنىستار ورتاعا سالىندى.
– الەۋمەتتىك قولداۋ, ينفراقۇرىلىم, تۇرعىن ءۇي, ءبىلىم بەرۋ جانە دەنساۋلىق ساقتاۋ – بۇل ماسەلەلەر حالىقتى ءالى دە الاڭداتىپ وتىر. ەشبىر پىكىر نازاردان تىس قالمايدى. بارلىق ءوتىنىش-ۇسىنىستار نازارعا الىنىپ, ولاردى شەشۋ جولدارىن ءتيىستى قۇرىلىمدارمەن بىرلەسە قاراستىرامىز, – دەدى دەپۋتات.
كونفەرەنتسيا مەن وڭىردەگى كەزدەسۋلەردىڭ قورىتىندىسىندا بىرقاتار ناقتى قادامدار بەلگىلەندى: جەرگىلىكتى اتقارۋشى ورگانداردىڭ قىزمەتىنە قوعامدىق باقىلاۋدى كۇشەيتۋ, تۇراقتى جۇمىس ىستەيتىن ديالوگ الاڭدارىن قالىپتاستىرۋ, جەرگىلىكتى باستامالاردى قولداۋ, سونداي-اق كوپپاتەرلى تۇرعىن ۇيلەردى باسقارۋ سالاسىندا جۇيەلى ءتارتىپ ورناتۋ.
نۇرلان اۋەسباەۆ تۇرعىندار مەن بەلسەندىلەر كوتەرگەن بارلىق ۇسىنىس رەتكە كەلتىرىلىپ, ءتيىستى مەملەكەتتىك ورگاندارعا جولداناتىنىن, ال ولاردىڭ ورىندالۋ بارىسى دەپۋتاتتىق قاداعالاۋدا بولاتىنىن ەرەكشە اتاپ ءوتتى.
