مەملەكەت باسشىسى ەڭ الدىمەن تامىز كونفەرەنتسياسىنىڭ اشىلۋىمەن قۇتتىقتاپ, جيىننىڭ وسكەلەڭ ۇرپاققا ساپالى ءبىلىم مەن تاعىلىمدى تاربيە بەرۋ ماسەلەسىنە ارنالعان وتە ماڭىزدى باسقوسۋ ەكەنىن جەتكىزدى.
«ۇستاز – ۇلتتىڭ شامشىراعى. سىزدەر كۇندەلىكتى قاجىرلى ەڭبەكتەرىڭىز ارقىلى ەل دامۋىنا ولشەۋسىز ۇلەس قوسىپ كەلەسىزدەر. جاس ۇرپاقتىڭ بويىنا ءبىلىم ءنارىن سەۋىپ, وزىق ويلى ۇلت تاربيەلەپ جۇرسىزدەر. حالقىمىزدىڭ زياتكەرلىك قۋاتىن ارتتىرۋعا بەلسەنە اتسالىسىپ جاتسىزدار.
بۇگىن مەن ەلىمىزدەگى ۇستازدار قاۋىمىنا شىنايى ريزاشىلىعىمدى بىلدىرەمىن! شىن مانىندە, مۇعالىمدەر مەملەكەتتىك ماڭىزى بار جۇمىستى اتقارىپ جاتىر. ىبىراي التىنسارين «جاقسى وقىتۋشىنى بارىنەن دە قىمبات كورەمىن» دەگەن. ەلدىڭ ەرتەڭى مۇعالىمدەرگە تىكەلەي بايلانىستى. سوندىقتان ۇستازدىڭ قوعامداعى ورنى بارىنەن بيىك بولۋعا ءتيىس», دەدى پرەزيدەنت.
