فوتو: almaty.tv
15 تامىز كۇنى تاڭەرتەڭ «102» جەلىسىنە ن. ءابدىروۆ كوشەسىندەگى ءۇي اۋلاسىنان Toyota Carina ماركالى اۆتوكولىكتىڭ ۇرلانعانى تۋرالى حابار ءتۇستى. قىلمىستى دەر كەزىندە اشۋ ماقساتىندا اقپارات دەرەۋ قالاداعى بارلىق پاترۋلدىك ەكيپاجدارعا جەتكىزىلدى.
كوپ ۇزاماي ىزدەستىرىلىپ جاتقان كولىك ەرۋباەۆ كوشەسىندەگى جانارماي قۇيۋ بەكەتىندە ەكەنى انىقتالدى. پوليتسەيلەردى كورگەن جۇرگىزۋشى وقيعا ورنىنان قاشقان. پوليتسيا قىزمەتكەرلەرى سول ماڭعا جاقىن جەردە جۇرگەن قوسىمشا ناريادتاردى جۇمىلدىرىپ, قوسىمشا كۇش پەن كاسىبي ءىس-قيمىلداردىڭ ارقاسىندا كولىك بوگەلىپ, كۇدىكتى ۇستالدى.
كولىكتىڭ باسقارۋىندا 26 جاستاعى قالا تۇرعىنى ەكەنى انىقتالدى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 200-بابى («كولىك قۇرالىن ۇرلاۋ») بويىنشا قىلمىستىق ءىس قوزعالدى. تەرگەۋ امالدارى جۇرگىزىلىپ جاتىر.
قاراعاندى وبلىسى
