تابىستار تاريحى

مەملەكەت باسشىسىنىڭ 2012 جىلدىڭ اقپان ايىنداعى گەرمانياعا ساپارىنىڭ اياسىندا «KAZNEX INVEST» اق پەن «كناۋف» كومپانياسى اراسىندا قازاقستاندا قۇرىلىس ماتەريالدارىن شىعاراتىن زاۋىتتىڭ 2-ءشى كەزەگىن سالۋعا قاتىستى مەموراندۋمعا قول قويىلدى. قازىرگى كۇنى قۇرىلىس اياقتالىپ, زاۋىت پايدالانۋعا بەرىلدى, زاۋىت قۇرىلىسقا پايدالاناتىن ءتۇرلى قوس­پالار, ارلەۋشى ماتەريالدار جانە گيپستى-كارتوندىق بەتشەلەر شىعا­رادى. كناۋفتىڭ قازاقستانداعى قىز­مەتى كەزىندە 400-دەن استام جۇمىس ورنى قۇرىلدى. زاۋىتتىڭ 2-ءشى كەزەگى جەكە تۇرعان عيمارات رەتىندە سالىندى. ونىڭ ىشىنە گيپستى جاقپا ماتەريالداردى وندىرەتىن ديىرمەن ورناتىلعان. مۇنداي ماتەريالدار, سونىڭ ىشىندە ءتۇرلى قۇرعاق قوسپالار ءبىزدىڭ ەلى­مىزدە جەتكىلىكسىز بولاتىن. زاۋىت قىزمەتى وسى پروبلەمانى شەشۋگە باعىت­تالعان. سونىمەن قاتار, مۇندا دا­يىن ونىمدەردى قوراپتايتىن, ورايتىن قۇرال-جابدىقتار دا ورناتىلعان. «كناۋف» كومپانياسى ءوزىنىڭ قا­زاق­ستانداعى قىزمەتىن ۋاقىت وتكەن سايىن كەڭەيتىپ كەلەدى. الداعى ۋاقىتتارى قوسىمشا ينۆەستيتسيالار سالۋعا دا ءازىر ەكەندىگىن بايقاتتى. شەتەلدىك بۇل كومپانيا ەلى­مىز­دە جۇزەگە اسىرىلۋ ۇستىندەگى يندۋس­تريالىق-يننوۆاتسيالىق دامۋ باعدار­لاماسىن, وسى باعىتتاعى رەفورمالاردى تولىق قولدايدى. ەلىمىزدىڭ ينفرا­قۇ­رى­لىم­دارىن دامىتۋ باعىتىندا جۇمىس ىستەپ جاتقان نەمىستىڭ وسىنداي كوم­پا­نيا­لارىنىڭ ءبىرى – Boehmer GmbH. بۇل كومپانيا «KAZNEX INVEST» اق-پەن ءساتتى كەلىسسوزدەر جۇرگىزۋ­دىڭ ناتيجەسىندە قاراعاندى قالاسىن­دا مۇناي مەن گاز قۇبىرلار, جىلۋ جانە سۋمەن قامتۋ جانە باسقا ­دا ينفرا­قۇرىلىمدىق سالالارعا ار­نا­ل­عان بۇيىمدار شىعارۋ ءىسىن قولعا الدى. بۇل جوباعا نەمىس جاعىنىڭ قۇيعان ينۆەستيتسيالارىنىڭ كولەمى 19 ميلليون دوللاردى قۇرادى. وسى قارجىعا عيمارات قۇرىلىسى جۇرگىزىلدى. قۇرال-جابدىقتار, تەحنولوگيالار ساتىپ الىندى جانە نەگىزگى قارجى اينالىمىن قالىپتاستىرۋ ءۇشىن جۇمسالدى. كاسىپورىندا 50 جۇمىس ورنى قۇرىلدى. كاسىپورىننىڭ وندىرگەن ونىمدەرى كەدەن وداعىنىڭ رىنوكتارىنا, سون­داي-اق الىستاعى شەتەلدەرگە جونەل­تىلەدى دەپ جوسپارلانۋدا. سۇڭعات ءالىپباي, «ەگەمەن قازاقستان».