سۋرەت: sknews.kz
دايىن ۋچاسكەلەردى ارالاپ, توننەل, قازۋ جانە جول توسەۋ تەحنولوگياسىمەن, سونداي-اق قۇرىلىس قارقىنىمەن تانىسقان سەناتور جاڭا مەترو ستانسالارى الماتىنىڭ كولىك كەپتەلىسىن رەتكە كەلتىرەتىنىنە سەنىمدى.
«الماتى كوشەلەرىندەگى كەپتەلىستەر قالا تۇرعىندارىنىڭ ۋاقىتىن الارى ءسوزسىز. مەترو بۇل جۇكتەمەنىڭ ەداۋىر بولىگىن ازايتىپ, قالانىڭ ءتۇرلى اۋداندارىنا جىلدام ءارى قولايلى قاتىناۋدى قامتاماسىز ەتەدى. بۇل جاي عانا ينفراقۇرىلىمدىق جوبا ەمەس, ول مەگاپوليستىڭ ءومىر ساپاسى مەن ەكونوميكالىق بەلسەندىلىگىنە تىكەلەي اسەر ەتەتىن قادام», دەدى س.ماكەجانوۆ.
سونداي-اق سەناتور الماتى قالاسى قوعامدىق كەڭەسىنىڭ توراعاسىمەن كەزدەسىپ, قالانىڭ الەۋمەتتىك-ەكونوميكالىق دامۋىنىڭ نەگىزگى ماسەلەلەرىن, تۇرعىنداردىڭ ءومىر ساپاسىن ارتتىرۋ شارالارىن, سونداي-اق جەدەل شەشۋدى قاجەت ەتەتىن پروبلەمالاردى تالقىلادى.
بۇدان بولەك, «الەۋمەتتىك قىزمەتتەر ۇيىنە» بارىپ, الەۋمەتتىك قىزمەتتەر ساپاسىن ارتتىرۋعا, حالىقتى قولداۋ جۇيەسىن دامىتۋعا جانە الەۋمەتتىك دامۋ باعدارلامالارىن ىسكە اسىرۋعا باعىتتالعان مەكەمەنىڭ قىزمەتىن كوردى. قالا تۇرعىندارىمەن كەزدەسۋ بارىسىندا سەناتور تۇرعىن ءۇي-كوممۋنالدىق شارۋاشىلىعى, جۇمىسپەن قامتۋ, ءبىلىم بەرۋ جانە دەنساۋلىق ساقتاۋ ماسەلەلەرىن تالقىلاپ, ۇسىنىستارىن تىڭدادى. ول بيلىك پەن ازاماتتاردىڭ ءتيىمدى ءوزارا ءىس-قيمىلى وزەكتى ماسەلەلەرگە ناقتى ءارى ۋاقتىلى شەشىم تابۋعا مۇمكىندىك بەرەتىنىن ايتتى.
