اۆتورلار پرەزيدەنت ديپلوماتياسىنىڭ ءۇش نەگىزگى قاعيداتىنا, سونداي-اق ەلىمىزدىڭ سىرتقى ساياساتىن الەمدىك ساياساتتاعى كۇن سايىن قۇبىلىپ وتىراتىن احۋالعا ۇتىمدى ءارى ستراتەگيالىق بەيىمدەۋ تەتىكتەرىنە باستى نازار اۋدارعان. سونداي-اق اۋعانستان مەن ۋكرايناداعى حالىقارالىق داعدارىستارعا, جاھاندىق كليماتتىق قاۋىپتەرگە جانە قازىرگى ديپلوماتيانىڭ كونتەكستىن ايقىندايتىن سىن-قاتەرلەر دە تالدانعان. باسىلىم اۆتورلارى – ەركىن تۇقىموۆ, سانات كوشكىمباەۆ, بولات اۋەلباەۆ, ەربولات سەيىلحانوۆ, داۋرەن ابەن جانە اسەل ابەن سىندى حالىقارالىق قاتىناستار مەن جاھاندىق ەكونوميكا سالاسىنداعى جەتەكشى ساراپشىلار.
كىتاپتىڭ تانىستىرىلۋىندا ءسوز سويلەگەن قسزي ديرەكتورىنىڭ ورىنباسارى الۋا جولدىبالينا: «پرەزيدەنت توقاەۆتىڭ ديپلوماتياسى – بۇل تەك سىرتقى ساياسي باعىت قانا ەمەس. بۇل ەلىمىزدىڭ حالىقارالىق ارەناداعى بەدەلىن نىعايتاتىن ءارى ەلىمىزدىڭ جاھاندىق ۇدەرىستەردەگى جاۋاپتى ارىپتەس رەتىندەگى كەمەلدىگىن ايقىن كورسەتەتىن كەشەندى ستراتەگيالىق كوزقاراس», دەپ اتاپ ءوتتى.
جالپى, باسىلىمدا ەلدىڭ ىشكى ساياسي رەفورمالارى مەن سىرتقى ساياسي باعىتى اراسىنداعى ءوزارا بايلانىس ەرەكشە سيپاتتالادى. بۇل پرەزيدەنت ق.توقاەۆتىڭ ديپلوماتيالىق ستراتەگياسىن كەڭىرەك ءارى كوپقىرلى كونتەكستە قاراستىرۋعا مۇمكىندىك بەرەدى. مونوگرافيا اۆتورلارىنىڭ ءبىرى, قازاقستان رەسپۋبليكاسى پرەزيدەنتىنىڭ اۋعانستان جونىندەگى ارنايى وكىلى ەركىن تۇقىموۆ اتالعان مونوگرافيانى ازىرلەۋگە تۇرتكى بولعان سەبەپتەردى ايتىپ ءوتتى.
«شەتەلدىك ارىپتەستەرمەن, جاستارمەن, ستۋدەنتتەرمەن كەزدەسۋلەر بارىسىندا كەيىنگى جىلدارداعى ەلىمىزدىڭ سىرتقى ساياساتىنىڭ مازمۇنىنا قاتىستى سۇراقتار جيىلەي ءتۇستى. وسىعان بايلانىستى جۇيەلى اناليتيكالىق ەڭبەككە دەگەن قاجەتتىلىك پايدا بولدى. ءبىزدىڭ بۇل جۇمىسىمىز تەك ساراپشىلارعا عانا ەمەس, كەڭ اۋديتورياعا دا پايدالى دەرەككوزىنە اينالاتىنىنا سەنەمىز», دەدى ە.تۇقىموۆ.
ال باسىلىمنىڭ بىرلەسكەن اۆتورى, قسزي باس عىلىمي قىزمەتكەرى سانات كوشكىمباەۆ ق.توقاەۆ ديپلوماتياسى تەك پرەزيدەنتتىك تاجىريبەنىڭ عانا ەمەس, سونىمەن قاتار بىرەگەي كاسىبي جولدىڭ ناتيجەسى ەكەنىن ايتادى.
مونوگرافيا حالىقارالىق قاتىناستار سالاسىنىڭ ماماندارىنا, ساياساتتانۋشىلارعا, ستۋدەنتتەرگە, ديپلوماتتارعا, سونداي-اق قازاقستاننىڭ قازىرگى الەمدەگى ستراتەگيالىق ورنىنا قىزىعۋشىلىق تانىتقان بارشا وقىرمانعا ارنالعان.
