فوتو: gov.kz
10 تامىزدا ەكيپاج كومانديرى مايور نۇرجىگىت قايرات ۇلى ۇيسىنباەۆتىڭ دەنەسى تابىلعان بولاتىن.
ول ەسكادريليا كومانديرىنىڭ (ارميالىق اۆياتسيا) تاربيە جانە يدەولوگيالىق جۇمىس جونىندەگى ورىنباسارى بولعان. 1-سىنىپتى ۇشقىشتىڭ EC-145 تىكۇشاعىن باسقارۋدا تاجىريبەسى جوعارى, جالپى ۇشۋ ۋاقىتى – 930 ساعات بولعان.
11 تامىز كۇنى ىزدەۋ توپتارى اۆياتسيالىق ەسكادريليا اۆياتسيالىق بۋىنىنىڭ بورت تەحنيگى كاپيتان باقتيار ءسانيوللا ۇلى ەرجىگىتوۆتىڭ دەنەسىن تاپقان ەدى. 1-سىنىپتى ماماننىڭ EC-145 تىكۇشاعىن باسقارۋدا تاجىريبەسى جەتكىلىكتى, جالپى ۇشۋ ۋاقىتى – 300 ساعاتتى قۇراعان. اۆياتسيالىق بولىمدەردە كوپ جىلدىق تاجىريبە جيناقتاعان جوعارى بىلىكتى مامان, بەيىندىك دايىندىقتان وتكەن.
12 تامىز كۇنى ەكيپاج كومانديرىنىڭ كومەكشىسى كاپيتان امان نۇرلان ۇلى امانگەلدىنىڭ دەنەسى تابىلدى. تاجىريبەلى ۇشقىش, كۇردەلى مەتەورولوگيالىق جاعدايلاردا بىرنەشە مارتە ۇشىپ, جاتتىققان. EC-145 تىكۇشاعىنداعى ۇشۋ ۋاقىتى – 295 ساعات.
قازا تاپقان ۇشقىشتاردىڭ ۇشەۋى دە اۋە قورعانىسى كۇشتەرى اسكەري ينستيتۋتىنىڭ تۇلەگى.
مينيسترلىك اكۆاتوريانى جانە وعان ىرگەلەس اۋماقتى زەرتتەۋ بويىنشا ىزدەستىرۋ شارالارى جالعاسا بەرەتىنىن مالىمدەدى.
وسىعان سايكەس تىكۇشاق بولىكتەرىن انىقتاۋ جانە جاعاعا شىعارۋ جۇمىستارى جالعاسىن تابادى.
اپاتتىڭ سەبەپتەرىن انىقتاۋ ءۇشىن تەرگەۋ امالدارى جۇرگىزىلىپ جاتىر.
قازاقستان رەسپۋبليكاسىنىڭ قورعانىس مينيسترلىگى مەن قارۋلى كۇشتەرىنىڭ باسشىلىعى قازا تاپقانداردىڭ تۋىستارى مەن جاقىندارىنا قايعىرىپ كوڭىل ءبىلدىرىپ, ولارعا بارلىق قاجەتتى كومەك كورسەتىلەتىنىن ايتتى.
ايتا كەتەيىك, 2025 جىلعى 25 شىلدەدە الماتى وبلىسىندا جوسپارلى ۇشۋ كەزىندە قازاقستان رەسپۋبليكاسى قارۋلى كۇشتەرىنىڭ اۋە قورعانىسى كۇشتەرىنە تيەسىلى EC-145 تىكۇشاعى راداردان جوعالىپ كەتكەن بولاتىن.
