لاگەر جىل سايىن تۇراقتى ۇيىمداستىرىلادى. بۇل جولى ءىس-شارا اقمولا وبلىسىنىڭ شورتاندى اۋدانىندا ءوتىپ جاتىر. وعان توتەنشە جاعدايلار ۆيتسە-ءمينيسترى, گەنەرال-مايور راميل كامالوۆ جانە اقمولا وبلىسى تجد باستىعى باقىتجان الاشوۆ بارىپ قايتتى.
جاستارمەن كەزدەسۋدە ۆيتسە-مينيستر باستامانى جوعارى باعالاپ, جاستاردى ناقتى ءىس-ارەكەتتەر ارقىلى پاتريوتتىق تاربيەلەۋدىڭ ماڭىزدىلىعىن اتاپ ءوتتى.
«زاڭ مەن ءتارتىپ» قاعيداسى – بۇل تەك مەملەكەتتىك ساياسات ماسەلەسى عانا ەمەس, ءار ازاماتتىڭ جەكە جاۋاپكەرشىلىگى. مۇندا جاستار تەك دەمالىپ قانا قويماي, ارەكەت ەتۋگە: قوعام مۇددەسىن قورعاۋعا, زاڭعا باعىنۋدىڭ ۇلگىسى بولۋعا جانە باسقالارعا كومەك كورسەتۋگە دايىن بولۋعا ۇيرەنەدى», دەدى ر.كامالوۆ.
«دالا قىراندارى» قوزعالىسىنىڭ ۇيىمداستىرۋىمەن وتكەن لاگەر ەلدىڭ بارلىق وڭىرلەرىنەن كەلگەن 1000-نان استام بەلسەندى جاستىڭ باسىن قوستى. جەتى كۇن بويى قاتىسۋشىلار شاتىرلاردا تۇرىپ, سپورتتىق جانە ءبىلىم بەرۋ ءىس-شارالارىنا قاتىسادى, ءوزارا كومەك, جاۋاپكەرشىلىك پەن ادالدىق داعدىلارىن مەڭگەرەدى, بەلسەندى ازاماتتىق ۇستانىم مەن پاتريوتتىق رۋحتى قالىپتاستىرادى. وسىلايشا جاستار لاگەرى ەلدىڭ تۇراقتىلىعى مەن دامۋىنا بەلسەنە اتسالىساتىن, وتانشىل جاستار قاتارىن نىعايتۋعا ۇلەس قوسىپ كەلەدى.
