شىمكەنتتە تابيعي گازدىڭ شىعۋ قاۋپىن قاشىقتىقتان انىقتاتىن زەرتحانا اشىلدى. ول لازەرلىك تەحنولوگيالارمەن جابدىقتالعان. سونىڭ كومەگىمەن اۋاعا تارالعان گازدى لەزدە بايقاپ, توتەنشە جاعدايدان الدىن الۋعا بولادى. زەرتحانانىڭ جۇمىسىمەن ءتىپتى قالا اكىمى عابيت سىزدىقبەكوۆ ارنايى بارىپ تانىستى. ەڭ باستىسى بۇل زەرتحاناعا توتەنشە جاعداي قىزمەتىنىڭ جانە اكىمدىك جانىنداعى كوممۋنالدىق شارۋاشىلىققا جاۋاپتى سالا ماماندارى قۋانىشتى. سەبەبى ەلدى مەكەندەردى گازداندىرۋدا قاۋىپسىزدىك شارالارىن ساقتاۋدىڭ ماڭىزى زور. بۇل رەتتە زاماناۋي دلس-اۆتو («پەرگام») ءموبيلدى زەرتحاناسى ۇتىمدى شەشىم رەتىندە قارالىپ وتىر.
ساراپشىلار سيپاتتاپ بەرگەندەي زەرتحانا جۇيەسىنىڭ نەگىزگى ارتىقشىلىعى 60 مەترگە دەيىنگى قاشىقتىقتا مەتان گازىن ءدال انىقتايدى. جانە جەر استى گاز شىعۋ قاۋپىن الىس قاشىقتىقتان بولجاپ بەرەدى. سوندىقتان توتەنشە جاعدايلار كەزىندە جەدەل ارەكەت ەتۋگە ونىڭ كومەگى زور بوپ تۇر.
ايتا كەتۋ كەرەك گازدىڭ شىعۋىن قاشىقتىقتان انىقتايتىن وزىق جۇيەنى رەسپۋبليكادا العاشقىلاردىڭ ءبىرى بولىپ شىمكەنت قالاسى اكىمدىگى ىسكە قوسىپ وتىر. بۇل مەگاپوليستىڭ ينجەنەرلىك جۇيەلەردى دامىتۋداعى جانە قاۋىپسىزدىك شارالارىن قامتاماسىز ەتۋدەگى ماڭىزدى قادامى بولىپ سانالادى.
