قابىلدانعان شارالاردىڭ ناتيجەلەرى:
- ەسىرتكى وتكىزۋ فاكتىلەرى 16%-عا ارتىپ, 1637 قىلمىس تىركەلدى (2024 جىلى – 1407);
- 14 قىلمىستىق توپتىڭ, ونىڭ ىشىندە 2 ترانسۇلتتىق توپتىڭ قىزمەتى توقتاتىلدى;
- 14 توننادان استام ەسىرتكى تاركىلەندى;
- 21 استىرتىن ەسىرتكى زەرتحاناسى جويىلدى;
- 35 مىڭنان استام گراففيتي-جارناما ءوشىرىلىپ, 22 جارناما تاراتۋشى ۇستالدى;
- 22 مىڭ كريپتو ءاميان انىقتالىپ, 18 ملن اقش دوللارى كولەمىندەگى تسيفرلىق اكتيۆ تاركىلەندى;
- ەسىرتكى ىستەرى بويىنشا 10 ملرد تەڭگەنىڭ مۇلكى تاركىلەندى.
ماسەلەن, الماتى وبلىسى نۇرا اۋىلىندا بيىل مامىر ايىندا جويىلعان زەرتحانادان 8 توننا پرەكۋرسور مەن 100 كەلىدەن استام دايىن ەسىرتكى تابىلعان.
ال پاۆلوداردا پروكۋرورلار ەنەرگيانى كوپ تۇتىناتىن پاتەردى انىقتاپ, وندا «كاننابيس» وسىرگەن ازاماتتىڭ ارەكەتىنە توسقاۋىل قويدى.
بۇدان بولەك, ءىىم مەن قارجىلىق مونيتورينگ اگەنتتىگى اراسىنداعى مەموراندۋم اياسىندا 50 ۆەدومستۆوارالىق جەدەل-تەرگەۋ توپ قۇرىلدى. قازىرگى تاڭدا بىرنەشە كۇردەلى ءىس ارنايى پروكۋرورلاردىڭ وندىرىسىنە قابىلدانعان.
كەڭەس قورىتىندىسى بويىنشا قىلمىستىق قۋدالاۋ ورگاندارىنا ەسىرتكى زەرتحانالارىن انىقتاۋ, قىلمىستىق توپتاردى اشكەرەلەۋ جانە ەسىرتكى دۇكەندەرىن ۇيىمداستىرۋشىلاردىڭ قىزمەتىن تەرەڭ قارجىلىق تەرگەۋ ارقىلى اشكەرەلەۋ تاپسىرىلدى.
