فوتو: سۋ رەسۋرستارى جانە يرريگاتسيا مينيسترلىگى
ناقتى اتاعاندا, مينيستر شاردارا سۋ قويماسىن ارالادى. سودان كەيىن «دوستىق» مەملەكەتارالىق كانالىنىڭ جۇمىسىن تەكسەردى. بۇگىندە جەتىساي جانە ماقتاارال اۋداندارىنا سۋ وسىعان دەيىن جاسالعان حالىقارالىق كەلىسىمدەرگە سايكەس جەتكىزىلىپ وتىر. ديقاندارعا سۋ كەزەكپەن بەرىلىپ جاتىر. بۇل رەتتە كانالدىڭ تومەنگى اعىسىنداعى شارۋا قوجالىقتارىنا باسىمدىق بەرىلەدى.
سالا مينيسترلىگىنىڭ مالىمەتىنشە «دوستىق» مەملەكەتارالىق كانالى ارقىلى سۋدى وتكىزۋ جاعدايىن جاقسارتۋ ماقساتىندا تۇركىستان وبلىسىنداعى «قازسۋشار» رمك فيليالى «ماشينالىق ادىسپەن سۋ كوتەرۋ كانالىندا» مەحانيكالىق تازارتۋ جۇمىستارىن جۇرگىزگەن.
نۇرجان نۇرجىگىتوۆتىڭ ايتۋىنشا ۆەدومستۆو وبلىستا سۋدىڭ بەرىلۋى مەن بولىنۋىنە تاۋلىك بويى باقىلاۋ جۇرگىزىپ وتىر.
ء«بىز جەرگىلىكتى اتقارۋشى ورگاندارمەن تىعىز جۇمىس ىستەپ, كورشى ەلدەردەگى ارىپتەستەرمەن تۇراقتى بايلانىستامىز. وڭىردەگى سۋ شارۋاشىلىعى جاعدايىنا مونيتورينگ جۇرگىزىپ وتىراتىن جۇمىس توپتارى قۇرىلدى. باستى مىندەتىمىز – اۋا رايىنىڭ قولايسىز جاعدايىنا قاراماستان, سۋ جەتكىزۋ بويىنشا كەلىسىمشارت جاساسقان شارۋالار الدىنداعى مىندەتتەمەلەردى ورىنداۋ», دەدى مينيستر ن.نۇرجىگىتوۆ.
