فوتو: اشىق دەرەككوز
اتىراۋ وبلىستىق وبلىستىق ءبىلىم باسقارماسىنىڭ ءبولىم باسشىسى ايناگۇل جۇماعازيەۆانىڭ ايتۋىنشا, قۇجات قابىلداۋ 31 تامىزعا دەيىن جالعاسادى.
«وبلىستا 2025-2026 وقۋ جىلىندا 1-سىنىپقا 16 762 وقۋشىنىڭ قابىلداناتىنى جوسپارلانىپ وتىر. بۇل وتكەن وقۋ جىلىنداعى وقۋشىلاردان 1 054 بالاعا ارتىق. ءبىرىنشى سىنىپقا قابىلداناتىن وقۋشىلاردىڭ كوپ بولىگى اتىراۋ قالاسىندا تۇرادى. بيىل 1-سىنىپقا قابىلداۋ eGov پورتالى ارقىلى جۇرگىزىلدى. قازىر 1-سىنىپقا ءدارىس بەرەتىن مۇعالىمدەر سانى جەتكىلىكتى, پەداگوگ تاپشىلىعى جوق. وقۋشىلاردىڭ بارلىعى وقۋلىقتارمەن تولىق قامتاماسىز ەتىلەدى», دەيدى ايناگۇل جۇماعازيەۆا.
ونىڭ مالىمەتىنشە, 1-سىنىپقا قابىلداناتىن بالالاردىڭ 70 پايىزى مەملەكەتتىك تىلدە وقۋدى تاڭداپ وتىر. ال 30% ورىس تىلىندە ءبىلىم الادى.
سونداي-اق, 4 تامىزدا «بالاقايلار مەكتەبى» جۇمىسىن باستادى. وندا بالالارعا بەيىمدەلۋ جانە دايارلىق ساباعى وتكىزىلەدى.
«بۇل بالالاردىڭ مەكتەپكە بەيىمدەلۋىنە ىقپال ەتەدى. دايىندىق ساباعى اپتاسىنا 5 رەت وتكىزىلەدى. كۇنىنە 4 ساباق بولادى. باعدارلاما كەستەسىنە ساۋات اشۋ, ماتەماتيكا جانە كوركەم ادەبيەت پاندەرى ەنگىزىلدى. «بالاقايلار مەكتەبى» جۇمىسى 22 تامىزعا دەيىن جالعاسادى», دەدى ايناگۇل جۇماعازيەۆا.
