فوتو: pixabay.com
مينيسترلىك مالىمەتىنشە, قازاقستاندا قانت ديابەتى دياگنوزى قويىلعان ديسپانسەرلىك ەسەپتە 535 مىڭنان استام ادام, ونىڭ ىشىندە 5 625 بالا تۇر. بۇگىندە ولاردىڭ بارلىعى تەگىن ءدارى-دارمەكپەن قامتىلعان.
مەملەكەت قانت ديابەتى دياگنوزى قويىلعان ءار ناۋقاسقا جاعدايدىڭ اۋىرلىعىنا بايلانىستى جىلىنا 618 تەڭگەدەن 6,5 ملن تەڭگەگە دەيىن جۇمسايدى.
«بارلىق مۇقتاج ادامداردى قامتاماسىز ەتۋ جانە ءوسىپ كەلە جاتقان قاجەتتىلىكتەردى جابۋ ءۇشىن كەلەسى جىلدىڭ قاڭتار ايىنان باستاپ قانت ديابەتى كەزىندە ءدارى-دارمەكپەن قامتاماسىز ەتۋ ءمامس جۇيەسى ارقىلى جۇزەگە اسىرىلادى. بۇل تۇراقتى جانە ۋاقىتىلى قارجىلاندىرۋدى قامتاماسىز ەتۋگە مۇمكىندىك بەرەدى. قانت ديابەتىمەن اۋىراتىن پاتسيەنتتەردىڭ 96%-ى ءمامس جۇيەسىمەن قامتىلعان. بالالارعا, زەينەتكەرلەرگە, جۇكتى ايەلدەرگە, مۇگەدەكتىگى بار ادامدارعا جانە باسقا دا وسال توپتارعا مەملەكەت ساقتاندىرۋ تولەيدى», دەلىنگەن مينيسترلىك حابارلاماسىندا.
سونداي-اق, دەنساۋلىق ساقتاۋ مينيسترلىگى قانت ديابەتىن ەمدەۋگە ارنالعان ءدارى-دارمەكتەر تىزبەسىن جاڭارتتى. ەندى تيىمدىلىگى دالەلدەنگەن پرەپاراتتار عانا قالادى. جاڭا بۋىن ءينسۋلينى — دەگلۋدەككە قولجەتىمدىلىك كەڭەيىپ كەلەدى, ول قازىر پاتسيەنتتەردىڭ بارلىق ساناتىنا, سونىڭ ىشىندە جۇكتى ايەلدەر مەن بالالارعا دا قولجەتىمدى بولادى.
وسىلايشا, قانت ديابەتى مىڭداعان قازاقستاندىقتاردىڭ ومىرىنە اسەر ەتەتىن اۋرۋلاردىڭ ءبىرى رەتىندە ءاردايىم مەملەكەتتىڭ ەرەكشە باقىلاۋىندا قالادى.
