قازاقستاندىق بوكسشى بىرنەشە ايدان بەرى WBC نۇسقاسى بويىنشا الەم چەمپيونى, دومينيكاندىق كارلوس ادامەسپەن الەۋمەتتىك جەلىلەردە كەلىسپەۋشىلىك جۇرگىزىپ كەلەدى.
اليمحان ۇلىنىڭ ايتۋىنشا, ول چەمپيونمەن جۇدىرىقتاسۋ يدەياسىنان باس تارتۋعا دايىن, سەبەبى بيىل ەكىنشى جەكپە-جەگىن وتكىزگىسى كەلەدى.
«مەن اقش-قا ۇشىپ بارا جاتىرمىن. قاراشا ايىندا جەكپە-جەككە دايىن بولامىن! ادامەستىڭ مۇمكىندىگى از قالدى. ەگەر ول كەلىسپەسە, مەن بەلبەۋلەرىمدى باسقا بوكسشىلارمەن قورعايمىن! سوندىقتان وعان جانە ونىڭ مەنەدجەرلەرىنە ايتارىم: ۋاقىتتارىڭىز تاۋسىلىپ جاتىر!», دەپ جازدى جانىبەك الەۋمەتتىك جەلىدە.
ەسكە سالساق, بيىل جانىبەك اليمحان ۇلى ەكى بەلبەۋىن ءبىر رەت قورعاپ ۇلگەردى – ءساۋىر ايىندا استانادا وتكەن تۋرنيردە فرانتسۋز بوكسشىسى اناۋەل نگاميسسەنگە نوكاۋتپەن جەڭىلگەن بولاتىن.
ودان كەيىن قازاقستاندىق بوكسشى ديۆيزيون چەمپيوندارىنىڭ بىرىمەن ءۇش تيتۋل ءۇشىن جەكپە-جەك وتكىزگىسى كەلەتىنىن بىرنەشە رەت ايتقان.
