فوتو: naryntany.kz
ۇكىمەتتىڭ ءباسپاسوز قىزمەتىنىڭ مالىمدەۋىنشە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا جامبىل وبلىسىنىڭ مەركى جانە تالاس اۋداندارىنداعى اۋدانارالىق كوپبەيىندى ورتالىق اۋرۋحانالاردى رەكونسترۋكتسيالاۋ كوزدەلگەن. وسى ماقساتتا ارناۋلى مەملەكەتتىك قوردان 2,4 ملرد تەڭگە ءبولىندى.
ماسەلەن, قايتارىلعان اكتيۆتەردىڭ ءبىر بولىگى تالاس اۋداندىق كوپسالالى ورتالىق اۋرۋحانانى رەكونسترۋكتسيالاۋعا باعىتتالماق. قاراستىرىلعان قاراجات كولەمى – 2,3 ملرد تەڭگە.
ال مەركى اۋداندىق كوپسالالى ورتالىق اۋرۋحانانىڭ قابىلداۋ بولىمشەسىن جوندەۋگە 144,9 ملن تەڭگە جۇمسالماق. قۇرىلىس جۇمىستارى سوڭعى ساتىسىندا ءجۇرىپ جاتىر. نىساندى پايدالانۋعا بەرۋ جىل سوڭىنا جوسپارلانعان.
جالپى العاندا, 2025 جىلى ارناۋلى مەملەكەتتىك قوردان جامبىل وبلىسىندا ءتورت دەنساۋلىق ساقتاۋ نىسانىن ىسكە قوسۋعا 2,8 ملرد تەڭگە باعىتتالعان. بۇعان دەيىن قورداي جانە تالاس اۋداندارىندا ەكى دارىگەرلىك امبۋلاتوريانىڭ قۇرىلىسى سالىنعانى تۋرالى حابارلانعان بولاتىن. ولاردىڭ ارقايسىسى تاۋلىگىنە 45 كەلۋشىگە دەيىن قابىلداي الادى.
