فوتو: ۆلاديسلاۆ ۆودنەۆ
تەستىلەۋ باستالعالى 39 مىڭنان استام ادام ماگيستراتۋراعا ءتۇسۋ ءۇشىن كەشەندى تەست تاپسىرعان. عىلىمي-پەداگوگيكالىق باعىت بويىنشا تۇسۋشىلەردىڭ - 52%-ى, بەيىندى باعىت بويىنشا - 21%-ى شەكتى بالل جيناعان. عىلىمي- پەداگوگيكالىق باعىت بويىنشا ورتاشا كورسەتكىش - 78 بالدى, بەيىندى باعىت بويىنشا 23 بالل بولعان. ۇمىتكەرلەردىڭ ىشىندە ەڭ جوعارى 139 بالل تىركەلگەن.
عىلىمي-پەداگوگيكالىق باعىت بويىنشا ماگيستراتۋراعا ءتۇسۋ ءۇشىن كەمىندە 75 بالل, بەيىندىك باعىت بويىنشا كەمىندە 30 بالل جيناۋ قاجەت.
مينيسترلىك مالىمەتىنشە, تەستىلەۋ باستالعالى 99 قاتىسۋشىنىڭ ناتيجەسى جويىلعان. ونىڭ ىشىندە 67 وقۋعا ءتۇسۋشى سمارتفون, شپارگالكا جانە باسقا دا تىيىم سالىنعان زاتتاردى الىپ وتۋگە تىرىسقانى ءۇشىن تەست تاپسىرۋ مۇمكىندىگىنەن ايىرىلعان. كەشەندى تەستىلەۋ كەزىندە ەرەجەلەردى بۇزعانى ءۇشىن اۋديتوريادان 31 ادام شىعارىلىپ, ولاردىڭ ناتيجەلەرى جويىلعان. تەستىلەۋگە كىرگىزۋ بارىسىندا بوگدە ادامنىڭ تەستىلەۋگە كىرۋگە وقتالعان 1 جاعداي انىقتالعان.
ايتا كەتەيىك, تەستىلەۋ ناتيجەلەرىمەن كەلىسپەگەن جاعدايدا ونلاين-اپەللياتسياعا بەرۋ مۇمكىندىگى قامتاماسىز ەتىلگەن. تەستىلەۋ اياقتالعاننان كەيىن 30 مينۋت ىشىندە وقۋعا ءتۇسۋشى بىردەن اپەللياتسياعا ءوتىنىش بەرە الادى. اپەللياتسيا جەتى جۇمىس كۇنى ىشىندە قارالادى. سەرتيفيكات اپەللياتسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.
ماگيستراتۋراعا تۇسۋگە ارنالعان كەشەندى تەستىلەۋگە 51 مىڭنان استام ءوتىنىش تۇسكەن. ال ماگيستراتۋرادا وقۋعا 13 مىڭنان استام گرانت بولىنگەن. بيىلعى ماگيستراتۋراعا تۇسۋگە ارنالعان كەشەندى تەستىلەۋ 21 شىلدەدە باستالعان بولاتىن, 7 تامىزعا دەيىن جالعاسادى.
