تالدىقورعان. الماتى وبلىسىندا حV ىلە-بالقاش رەگاتاسى بيىل دا قالىپتاسقان ءداستۇردى ساقتاپ, تاڭبالى تاس شاتقالىنان باستالدى. بۇل تۋرالى egemen.kz ءتىلشىسى حابارلادى.
ۋاقىت اعىمىنا ساي سان ءتۇرلى سۋ قايىقتارىنا مىنگەن سپورتشىلار ىلە وزەنىن بويلاي بالقاش كولىن بەتكە الدى. ىركەس-تىركەس جارىسقا تۇسكەن 30 كوماندادا ناعىز سايىپقىراندار جينالىپتى.
بۇل شارانىڭ نەگىزگى ماقساتى - قورشاعان ورتانى قورعاۋ بولىپ تابىلادى. ءسويتىپ, جەر جانناتى جەتىسۋ وڭىرىندەگى التىنەمەل ۇلتتىق تابيعات باعى اۋماعىندا جاتقان ايعايقۇم ء(انشى قۇم) سىندى تاڭعاجايىپ تاماشا تابيعات تارتۋلارىن كورە 900 شاقىرىمنان استام جەر ءجۇرىپ وتپەك. تابيعات جاناشىرلارى ىلە وزەنىن بويلاي جۇزگەندە سان مىڭداعان يىلىمدەردى سۇزە وتىرىپ, زاڭسىز بالىق اۋلاۋشىلارعا تىيىم سالاتىنى دا بار. البەتتە قالىڭ قامىستىڭ اراسىنداعى جىرتقىش اڭداردى دا قورعاۋ نازاردان تىس قالمايدى.
30 ساۋىردە قاپشاعاي كولىنىڭ جاعالاۋىنا مىڭداعان الماتىلىقتار ارنايى كەلىپ شىعارىپ سالعان ساياحاتشىلار وسى جىلدىڭ 31 مامىرىندا مارەگە جەتەدى دەپ جوسپارلانعان. جەڭىمپازدار سول كۇنى بەلگىلى بولادى.
نۇربول الدىباەۆ.
دەرەك, سۋرەت: egemen.kz
