فوتو: egemen.kz/ ەرلان ومار
ورالداعى №2 جىلۋ ماگيسترالىن رەكونسترۋكتسيالاۋ جوباسى شەڭبەرىندە جەو كوللەكتورىنان باستاپ «سيتي تسەنتر» ساۋدا ءۇيى ماڭايىنا دەيىن تومەنگە ءتۇسىرۋ بويىنشا قۇرىلىس-مونتاجداۋ جۇمىستارى 2024 جىلى باستالعان. جىلۋ ماگيسترالىنىڭ بۇل ۋچاسكەسى 1987 جىلى پايدالانۋعا بەرىلگەن. وسى كەزەڭدە كوتەرگىش تەمىربەتون كونسترۋكتسيالارى, بەكىتۋ ارماتۋراسى ءبىرشاما توزعانى انىقتالدى.
وبلىس اكىمدىگىنىڭ مالىمەتىنشە, بۇل ۋچاسكەدە رەكونسترۋكتسيالاۋ جۇمىستارى 2025-2026 جىلدارى جىلىتۋ ماۋسىمى باستالعانعا دەيىن اياقتالادى.
جوبانى جۇزەگە اسىرۋ توزعان جىلۋ جەلىلەرىنىڭ كولەمىن ازايتىپ, ىستىق سۋ بەرۋدىڭ وتكىزۋ قابىلەتىن ارتتىرۋعا جانە پايدالانۋ شىعىندارىن ازايتۋعا مۇمكىندىك بەرەدى.
ايتا كەتەيىك, ورال قالاسىنىڭ جىلۋ جەلىلەرىنىڭ ۇزىندىعى – 249 شاقىرىم. نىسان وتكەن عاسىردىڭ 70-80 جىلدارى پايدالانۋعا بەرىلگەن. قازىرگى ۋاقىتتا جىلۋ ماگيسترالدى جەلىلەرىنىڭ 50 پايىزى توزعان.
