احۋال سولاي ەكەن دەپ كاسىپورىننىڭ قول قۋسىرىپ وتىرماسى تاعى بەلگىلى. جۇمىسىن جاڭا باعىتتا ىلگەرىلەتىپ جاتىر. سپورتتىق كيىم وندىرىسىندەگى ەلەۋلى ەڭبەگىنىڭ ارقاسىندا جاڭا دەڭگەيگە كوتەرىلدى. كومپانيا وتاندىق نارىقتا عانا ەمەس, حالىقارالىق دەڭگەيدە دە باسەكەگە قابىلەتتى ءونىم وندىرەتىن كاسىپورىن رەتىندە تانىلىپ قالدى. بۇگىندە ءتۇرلى باعىتتاعى ونىمدەر شىعارادى. جەڭىل اتلەتيكا مەن كوماندالىق سپورت تۇرلەرىنە ارنالعان فورمالار, كۇندەلىكتى كيۋگە قولايلى كيىمدەر, سپورتتىق اكسەسسۋارلار ۇسىنىپ وتىر. بارلىق ءونىم جوعارى ساپالى ماتەريالداردان تىگىلىپ, وتاندىق جانە شەتەلدىك تەحنولوگيالاردىڭ ۇيلەسىمىمەن دايىندالادى. «قازسپو-N» برەندىمەن شىعاتىن كيىمدەر فۋنكتسيونالدىلىعى ءارى ىڭعايلىلىعىمەن جانە ەستەتيكالىق ديزاينىمەن ەرەكشەلەنەدى.
«جىلىنا 30-40 مىڭعا دەيىن ءونىم شىعارامىز. سپورتتىق كيىمدەر ۇلتتىق ناقىشتا جاسالعاندىقتان ىشكى نارىقتا ساتىلادى. ال قاز مامىعى سالىنىپ تىگىلەتىن قىسقى كۇرتەشەلەردىڭ 80%-عا جۋىعى ەكسپورتقا كەتەدى. رەسەيلىك تۇتىنۋشىلارىمىزدىڭ ۇلەسى ارتىپ كەلەدى. ونلاين-دۇكەندەر ارقىلى سول جاققا جىبەرەمىز. ءبىزدىڭ كۇرتەشەلەردىڭ ەڭ باستى ارتىقشىلىعى ونى كىر جۋعىش ماشينادا جۋا بەرۋگە بولادى», دەيدى «قازسپو-N» جشس باس ديرەكتورى ەلەنا سۆەچنيكوۆا.
كومپانيا وندىرىستە اۆتوماتتاندىرىلعان تىگىن جابدىقتارىن قولدانادى. ءوندىرىس تسەحتارى الماتى مەن ەسىك قالاسىندا ورنالاسقان. وندا ەكولوگيالىق تازا ماتەريالداردى پايدالانۋعا, ەڭبەك قاۋىپسىزدىگى مەن ءادىل ەڭبەكاقىنى قامتاماسىز ەتۋگە ۇلكەن ءمان بەرەدى. سوندىقتان «قازسپو-N» ەلدەگى كوپتەگەن سپورت فەدەراتسياسىنىڭ, مەكتەپ پەن كوللەدجدەردىڭ رەسمي سەرىكتەسى. سونىمەن قاتار كومپانيا جەكەلەگەن سپورت كلۋبتارىمەن جانە جەكە تاپسىرىس بەرۋشىلەرمەن دە تىعىز جۇمىس ىستەيدى. جىل سايىن ءتۇرلى سپورتتىق جارىستارعا, مارافوندار مەن ۋنيۆەرسيادالارعا ارنايى فورما دايىنداپ بەرەدى.
«قازسپو-N» تىككەن ارنايى كيىمدەر مەن فورمالار مەملەكەتتىك ۇيىمدارعا, مۇناي-گاز, قۇرىلىس, مەديتسينا, اسكەري جانە ونەركاسىپ سالالارىنا دا ارنالعان. جۇمىس كيىمدەرى ISO ستاندارتتارىنا, سونداي-اق تەحنيكالىق رەتتەۋ جانە مەترولوگيا كوميتەتى تالابىنا ساي وندىرىلەدى. پايدالانۋشى مەن تاپسىرىس بەرۋشى تاراپىنان ساپاسى جاقسى, بەرىك, ىڭعايلى دەگەن پىكىرلەر ءجيى ايتىلادى. سونىمەن قاتار كومپانيا تەحنولوگيالىق ماتالار, جانبايتىن, سۋ وتكىزبەيتىن, انتيستاتيكالىق جانە باسقا دا قورعانىس فۋنكتسيالارى بار ونىمدەر ۇسىنادى.
«كاسىپورىندا ماتانىڭ قاتتىلىعى مەن قىل-قىبىرىنىڭ ساپاسىن انىقتايتىن جەكە زەرتحانا بار. تىگىنشىلەردى وسى جەردە ءوزىمىز وقىتىپ, دايارلايمىز. وقۋ تەگىن, كەيىن بىردەن جۇمىسقا الامىز. ورتاشا جالاقى شامامەن 200 مىڭ تەڭگە كولەمىندە. نەگىزى, وتاندىق جەڭىل ونەركاسىپتىڭ ادىلەتسىز باسەكەدە جولى اۋىر, تابىسى ماردىمسىز. ۋادەلى جەڭىلدىكتەر ۇكىمەت تاراپىنان بولىپ جاتسا, جاعداي جاقسارىپ, جۇمىسشىنىڭ ەڭبەكاقىسى دا ارتار ەدى», دەيدى ەلەنا سۆەچنيكوۆا.
كومپانيا الداعى ۋاقىتتا ەكسپورت كولەمىن ۇلعايتىپ, كورشى ەلدەرگە, اسىرەسە ورتالىق ازيا نارىعىنا شىعۋدى كوزدەيدى. ەلەكتروندى ساۋدا پلاتفورمالارىن دامىتۋ مەن ارنايى ءموبيلدى قوسىمشانى ىسكە قوسۋ دا – اۋقىمدى جوسپار ساناتىندا.
