اتالعان ءادىس حيرۋرگتارعا ومىرلىك ماڭىزدى جۇيكە قۇرىلىمدارىنىڭ اينالاسىندا اسا دالدىكپەن ارەكەت ەتۋگە مۇمكىندىك بەرىپ, وتادان كەيىنگى نەۆرولوگيالىق اسقىنۋلاردىڭ قاۋپىن ەداۋىر ازايتادى. بۇل اسىرەسە, فۋنكتسيونالدى ماڭىزدى ايماقتارداعى — سويلەۋ, قوزعالىس نەمەسە سەزىمتالدىققا جاۋاپتى قۇرىلىمدار جانىندا جاسالاتىن وپەراتسيالار ءۇشىن وتە ماڭىزدى.
نەيرومونيتورينگ مي مەن ج ۇلىن ىسىكتەرىندە, سويلەۋ, قوزعالىس پەن سەزىمتال ايماقتار ماڭىنداعى جاڭا تۇزىلىستەردە, مي دىڭىندەگى, تالامۋس, بازالدى گانگليلەردەگى ىسىكتەردى, ج ۇلىن ىشىندەگى (ينترامەدۋلليارلىق) ىسىكتەردى ەمدەۋ بارىسىندا قولدانىلادى.
سول سياقتى ومىرتقا مەن ج ۇلىن حيرۋرگياسىندا, سكوليوز سياقتى, باسقا دا ومىرتقا قيسايعاندا جاسالاتىن وپەراتسيالاردا, ج ۇلىن ىسىكتەرىن العاندا, ج ۇلىن جولاقتارىنا زاقىم كەلۋ قاۋپى جوعارى وپەراتسيالاردا, ومىرتقانىڭ ۇستاماۋىن تۇزەتۋ, ستەنوز, جارىق سەكىلدى جۇيكە ءتۇبىرى نەمەسە ج ۇلىن قىسىلعان جاعدايلاردا كومەگى وراسان.
«ينتراوپەراتسيالىق نەيرومونيتورينگ تەك حيرۋرگيالىق وتالاردىڭ دالدىگىن ارتتىرىپ قويماي, نەيروحيرۋرگيالىق قاۋىپسىزدىكتى جاڭا ساپالىق دەڭگەيگە كوتەرۋگە مۇمكىندىك بەرەدى. ءبىزدىڭ كلينيكادا بۇل تەحنولوگيا نەگىزىنەن ومىرتقاعا جاسالعان وتالاردا قولدانىلىپ كەلەدى. ماسەلەن, «spina bifida» دياگنوزى سياقتى ومىرتقاداعى ليپوما مەن كيستا سەكىلدى ىسىكتەرگە, ءتۇرلى دەڭگەيدەگى بەكىتىلگەن ج ۇلىن دياگنوزدارى بار بالالارعا وتا جاسالدى. بۇل — بالالاردىڭ دەنساۋلىعى تەز دۇرىستالىپ, تولىققاندى ءومىر سۇرۋىنە جول اشاتىن مۇمكىندىك», دەدى بشمكو نەۆرولوگ-دارىگەرى, نەيروفيزيولوگ پاتما حاشيموۆا.
اتالعان ءادىس الماتىداعى ورتالىقتا 2024 جىلدىڭ ناۋرىز ايىنان باستاپ قولدانىلا باستادى. وسى ۋاقىت ارالىعىندا ونداعان بالاعا نەيروحيرۋرگيالىق كومەك كورسەتىلدى. بارلىق ماماندار استانا قالاسىنداعى ۇلتتىق نەيروحيرۋرگيا ورتالىعىندا ارنايى كاسىبي دايارلىقتان وتكەن.
وپەراتسيالار مۋلتيديستسيپلينارلىق بريگادا قۇرامىندا جۇرگىزىلەدى. بۇل جولى جوعارىداعى ادىسپەن بالاعا جاسالعان كۇردەلى وتانى نەيروحيرۋرگيا ءبولىمىنىڭ مەڭگەرۋشىسى احان راحىم ايدار ۇلى, نەيروحيرۋرگ ازامات نۇركە, نەيروفيزيولوگ پاتما حاشيموۆا جۇرگىزدى.
بالالارعا شۇعىل مەديتسينالىق كومەك كورسەتۋ ورتالىعى الداعى ۋاقىتتا دا جوعارى تەحنولوگيالىق جانە جەكەلەگەن (پەرسوناليزيروۆاننايا) نەيروحيرۋرگيا باعىتىندا دامۋدى جالعاستىرا بەرمەك.
