فوتو: ratel.kz
پروكۋراتۋرا ورگاندارىنىڭ ۇيلەستىرۋىمەن ەسىرتكى جانە پسيحوتروپتىق زاتتاردى جەتكىزۋدىڭ 111 ارناسىنىڭ جولى كەسىلدى. سينتەتيكالىق ەسىرتكى وندىرەتىن 21 زەرتحانا جانە قۇرامىندا ەسىرتكى زاتتارى بار وسىمدىكتەردى زاڭسىز ءوسىرۋدىڭ 125 (45) فاكتىسى انىقتالىپ, جويىلعان. زاڭسىز اينالىمنان 9 توننا ەسىرتكى (ونىڭ ىشىندە 254 كگ سينتەتيكالىق ەسىرتكى) جانە 12 توننا (105 كگ) پرەكۋرسورلار تاركىلەنگەن. ەسىرتكى جانە پرەكۋرسورلار كونترابانداسىنىڭ فاكتىلەرى 182-دەن 80-گە دەيىن, 56%-عا تومەندەگەن.
سونداي-اق, قۇنى 2,3 ميلليارد تەڭگەدەن اساتىن 98 مىڭنان استام ەسىرتكى شوتى بۇعاتتالعان.
«بارلىق ءىس بويىنشا قارجىلىق تەرگەۋ جۇرگىزۋ, سونىڭ ىشىندە, قىلمىستىق اقشانى, ەسىرتكى بيزنەسىنىڭ تۇپكىلىكتى بەنەفيتسيارلارى مەن ۇيىمداستىرۋشىلارىن, سونداي-اق «dropper» اۋدارىمدارى جانە باسقا دا زاڭسىز وپەراتسيالار ءۇشىن بانكتىك شوتتارىن ۇسىناتىن ازاماتتاردى انىقتاۋ تۋرالى نۇسقاۋ بەرىلدى», دەلىنگەن باس پروكۋراتۋرا حابارلاماسىندا.
قۇقىق قورعاۋ جانە مەملەكەتتىك ورگاندار «كيبەرنادزور» اقپاراتتىق جۇيەسى ارقىلى ەسىرتكى دۇكەندەرىن بۇعاتتاۋ جۇمىستارىن جۇرگىزىپ جاتىر. بۇگىندە 6 مىڭنان استام ەسىرتكى سايتى بۇعاتتالعان.
