كەزدەسۋدىڭ باستى ماقساتى — الەمدىك ەكونوميكالىق وسىمگە قاۋىپ ءتوندىرىپ وتىرعان اقش پەن قىتاي اراسىنداعى ساۋدا شيەلەنىسىن باسەڭدەتۋ بولعان.
كەلىسسوزدەر بارىسىندا ناقتى ناتيجەلەر تۋرالى حابارلانباعانىمەن, تاريفتىك ءبىتىم مەرزىمىن ۇزارتۋ تۋرالى سوڭعى شەشىمدى اقش پرەزيدەنتى دونالد ترامپ قابىلدايتىنى بەلگىلى بولدى. ەگەر ءبىتىم ۇزارتىلماسا, تاريفتەر قايتادان جوعارى دەڭگەيگە كوتەرىلۋى مۇمكىن.
اقش قارجى ءمينيسترى سكوتت بەسسەنت ترامپتىڭ ءبىتىمدى ۇزارتۋعا قارسى شىعۋى ەكىتالاي ەكەنىن مالىمدەگەن.
«كەلىسسوزدەر وتە پايدالى ءارى وڭ باعىتتا ءوتتى. دەگەنمەن, ءبىز ءالى ناقتى شەشىم قابىلداعان جوقپىز», دەدى ول.
ترامپ بۇعان دەيىن ەۋروپالىق وداق, جاپونيا, يندونەزيا جانە باسقا ەلدەرمەن ساۋدا كەلىسىمدەرىنە قول قويعان بولاتىن.
بەسسەنت ترامپپەن سارسەنبى كۇنى كەزدەسىپ, شەشىم سونىڭ نەگىزىندە قابىلداناتىنىن ايتقان. سونداي-اق كەلەسى امەريكالىق-قىتايلىق كەلىسسوزدەردىڭ 90 كۇننەن كەيىن ءوتۋى مۇمكىن ەكەنىن دە اتاپ ءوتتى.
مامىر ايىندا تاراپتار ءوزارا باج سالىعىن ەداۋىر تومەندەتۋگە كەلىسكەن: قىتايدان اقش-قا جەتكىزىلەتىن تاۋارلارعا 115%-دىق تاريف 30%-عا دەيىن, ال اقش ونىمدەرىنە قىتايداعى تاريف 10%-عا دەيىن قىسقارعان.
