فوتو: اشىق دەرەككوز
ۇكىمەت ارناۋلى مەملەكەتتىك قوردان وڭىردەگى سۋ جۇيەلەرىن سالۋ جانە جاڭارتۋ جۇمىستارىنا 20 ميلليارد تەڭگەدەن استام قاراجات بولگەن.
«قازىر وڭىردە قۇنى 5 ملرد تەڭگە بولاتىن شاردارا توپتىق سۋ قۇبىرىن سالۋ جۇمىستارى ءجۇرىپ جاتىر. قور قاراجاتىنان جىبەك جولى, شەڭگەلدى, اق ءۇي, قاراتوبە, جۋانتوبە, ءجاڭاداۋىر, ەسىكقورعان, قۇيعان, اقسۋ اۋىلدارىنداعى سۋمەن جابدىقتاۋ جوبالارىنا 4,2 ملرد تەڭگە ءبولىندى», دەلىنگەن حابارلامادا.
سونىمەن قاتار سارىاعاش, قازىعۇرت, كەلەس, ورداباسى جانە وتىرار اۋداندارىندا دا اۋىز سۋ ينفراقۇرىلىمىن دامىتۋ جۇمىستارى قولعا الىنعان.
ايتا كەتەيىك, بۇعان دەيىن سارىاعاش اۋدانىندا ماگيسترالدى سۋ قۇبىرىن جاڭارتۋ جوباسىنا ارناۋلى مەملەكەتتىك قوردان 2,5 ميلليارد تەڭگەدەن استام قاراجات بولىنگەن بولاتىن. بۇل جوبا 260 مىڭنان استام تۇرعىنى بار 66 اۋىلدى ورتالىقتاندىرىلعان سۋ جۇيەسىنە قوسۋدى كوزدەيدى.
