فوتو: سۋ رەسۋرستارى جانە يرريگاتسيا مينيسترلىگى
«جەتىساي اۋدانىندا 66 شارۋا قوجالىعى 1079 گەكتار جەرگە وسىرىلەتىن داقىل ءتۇرىن ءوز بەتىنشە اۋىستىرعان. ال ماقتاارال اۋدانىندا 137 شارۋا قوجالىعى 1128 گەكتار القاپتا داقىلداردى وزدىگىنەن الماستىرعان. بۇل ءوز كەزەگىندە وڭىردەگى سۋ رەسۋرستارىنا قوسىمشا جۇكتەمە ءتۇسىرىپ, زاڭسىز سۋ الۋ قاۋپىن ارتتىرادى», دەلىنگەن اتالعان مينيسترلىكتىڭ حابارلاماسىندا.
قازىرگى ۋاقىتتا بارلىق زاڭ بۇزعان شارۋالار «قازسۋشاردىڭ» تۇركىستان وبلىسىنداعى فيليالىمەن سۋ جەتكىزۋ تۋرالى قوسىمشا كەلىسىمدەرگە قول قويدى.
«بۇل كەلىسىمدەردە ولار ىلعالدى كوپ قاجەت ەتەتىن داقىلداردىڭ ەگىس كولەمىن قىسقارتۋ شارالارى تۋرالى حاباردار بولعاندارىن جانە سۋ تاپشىلىعى تۋىنداۋى مۇمكىن ەكەنىن بىلگەندەرىن كورسەتكەن. دەگەنمەن ولار كۇرىش ەگۋ ءۇشىن وزدەرىنە جاۋاپكەرشىلىك الىپ, وڭىردەگى سۋ رەسۋرستارى تاپشىلىعى جاعدايىندا كۇرىشتى سۋارۋعا قاجەتتى كولەمدە سۋدىڭ بەرىلمەۋىنە دايىن بولعان», دەلىنگەن سالا مينيسترلىگىنىڭ حابارلاماسىندا.
