فوتو: وقۋ-اعارتۋ مينيسترلىگى
وسى جۇمىستار اياسىندا بيىل 700-گە جۋىق مەكتەپ كىتاپحاناسى جوندەۋدەن وتەدى. بۇل شامامەن 300 مىڭ بالاعا زاماناۋي جانە قولايلى كىتاپحانا كەڭىستىگىن پايدالانۋعا مۇمكىندىك بەرەدى.
«مەملەكەت جىل سايىن ءبىلىم بەرۋ ينفراقۇرىلىمىن جاقسارتۋعا قاراجات بولەدى. مەكتەپ كىتاپحانالارىن جاڭعىرتۋ اياسىندا اۆتوماتتاندىرىلعان كىتاپحانا جۇيەسى ەنگىزىلۋدە, كوۆوركينگ-ايماقتار اشىلىپ, كۇردەلى جوندەۋ جۇرگىزىلەدى, جيھازدار جاڭارتىلۋدا», دەدى ينفراقۇرىلىمدى دامىتۋ دەپارتامەنتى ديرەكتورىنىڭ ورىنباسارى روزا سەمباەۆا.
مەكتەپتەردە كىتاپتاردى اۆتوماتتى تۇردە ەسەپكە الاتىن جانە جەدەل ىزدەيتىن RFID تەحنولوگياسى ەنگىزىلىپ جاتىر. ال 20-دان استام كىتاپحانادا سكانەرلەۋشى روبوتتار جۇمىس ىستەيدى. 2023 جىلدان باستاپ «بالالار كىتاپحاناسى» جوباسى اياسىندا مەكتەپ كىتاپحانالارىنىڭ قورى 1,6 ميلليون دانا كوركەم ادەبيەتپەن تولىققان. بۇگىندە جالپى كىتاپ قورى 141 ميلليون دانادان اسادى.
وقۋ-اعارتۋ مينيسترلىگىنىڭ مالىمەتىنشە, كىتاپحاناشى كادرلاردىڭ كاسىبي شەبەرلىگىن شىڭداۋعا دا نازار اۋدارىلىپ جاتىر. بىلتىر 1 775 مەكتەپ كىتاپحاناشىسى بىلىكتىلىكتى ارتتىرۋ كۋرستارىنان وتكەن. بۇل باعىتتاعى جۇمىستار جاڭا وقۋ جىلىندا دا جالعاسادى
