پوليتسيا قىزمەتكەرلەرى اتا-انالارعا ەرەكشە نازار اۋدارىپ وتىر. بالالاردى تاربيەلەۋ مىندەتتەرىن ءتيىستى دەڭگەيدە ورىنداماعانى ءۇشىن قر اقبتك-ءنىڭ 127-بابى بويىنشا 9 اتا-اناعا قاتىستى اكىمشىلىك حاتتاما تولتىرىلدى. سونداي-اق, ساعات 22:00-دەن كەيىن مەكەمەدە جاسوسپىرىمدەردىڭ بولۋىنا جول بەرگەن 4 ويىن-ساۋىق ورنىنىڭ يەسى دە جاۋاپكەرشىلىككە تارتىلدى.
رەيد بارىسىندا تۇنگى ۋاقىتتا زاڭدى وكىلدەرىنىڭ قاراۋىنسىز جۇرگەن 103 ءجاسوسپىرىم انىقتالدى. 6 ءجاسوسپىرىم ويىن-ساۋىق مەكەمەلەرىنەن تابىلىپ, زاڭمەن بەلگىلەنگەن شەكتەۋلەردى بۇزعانى بەلگىلى بولدى.
سونىمەن قاتار, ءتارتىپ ساقشىلارى 7 جازعى لاگەردى تەكسەرىپ, بالالارمەن جانە قىزمەتكەرلەرمەن پروفيلاكتيكالىق ءتۇسىندىرۋ جۇمىستارىن جۇرگىزدى. ناتيجەسىندە, 8 ءجاسوسپىرىم مەن 4 اتا-انا ەسەپكە الىندى, ولار بالا تاربيەلەۋدەگى جاۋاپكەرشىلىكتى تيىسىنشە ورىنداماعان. بۇدان بولەك, پوليتسيا ەسەبىندە تۇرعان 71 ءجاسوسپىرىمنىڭ تۇرعىلىقتى جەرى بويىنشا تەكسەرۋ جۇرگىزىلدى.
جامبىل وبلىسى پوليتسيا دەپارتامەنتى كامەلەتكە تولماعانداردىڭ ساعات 22:00-دەن كەيىن ويىن-ساۋىق ورىندارىندا, ال ساعات 23:00-دەن كەيىن ۇيدەن تىس جەردە اتا-اناسىز ءجۇرۋى اكىمشىلىك قۇقىق بۇزۋشىلىق ەكەنىن ەسكەرتەدى. مۇنداي جاعدايلار ءۇشىن جاۋاپكەرشىلىك اتا-انالار مەن ەرەسەكتەرگە جۇكتەلەدى.
كوپ جاعدايدا جاسوسپىرىمدەر تۇنگى ۋاقىتتا قۇقىق بۇزۋشىلىقتاردىڭ قۇربانى نەمەسە قاتىسۋشىسى بولۋى مۇمكىن. سوندىقتان بالالاردىڭ قاۋىپسىزدىگى – اتا-انانىڭ تىكەلەي مىندەتى.
