الماتى قالاسى, قازىبەك بي كوشەسى, 28 مەكەنجايىندا قابىلداۋ كوميسسياسى جانىنان اشىلعان ورتالىقتا ستۋدەنتتەردى جاتاقحاناعا ورنالاستىرۋ كەزەڭىندە تۋىندايتىن ماسەلەلەردى جەدەل شەشۋ قاراستىرىلعان. ورتالىقتا جاتاقحاناعا ورنالاستىرۋ ۇدەرىسىن اشىق, ءادىل جانە جۇيەلى تۇردە ۇيىمداستىرۋ, ستۋدەنتتەر مەن ولاردىڭ اتا-انالارىنا كەڭەس بەرۋ, قاجەتتى اقپاراتپەن قامتاماسىز ەتۋ, الەۋمەتتىك وسال توپتاعى ستۋدەنتتەرگە باسىمدىق بەرۋ, داۋلى جاعدايلاردى رەتتەۋ جانە كەرى بايلانىس ورناتۋعا باسىمدىق بەرىلگەن.
2025–2026 وقۋ جىلىندا ۋنيۆەرسيتەت باكالاۆريات باعدارلاماسى بويىنشا وقيتىن 3545 ءبىلىم الۋشىنى جاتاقحانامەن قامتاماسىز ەتۋدى جوسپارلاپ وتىر: ۋنيۆەرسيتەتكە قاراستى 5 جاتاقحانادا – 1071 ورىن, اقىلى جالدامالى جاتاقحانالاردا – 2474 ورىن.
ورتالىق قازىرگى ۋاقىتتا ءوز قىزمەتىن بىرنەشە باعىتتا ىسكە اسىرىپ جاتىر. ونلاين وتىنىمدەر قابىلداۋ جۇيەلەرى ارقىلى (Google Form, ارنايى پورتالدار); قابىلداۋ كوميسسياسى مەن فاكۋلتەت دەكاناتتارىمەن تىعىز بايلانىس ارقىلى ۇيلەستىرۋ; تىكەلەي بايلانىس ارنالارى ارقىلى ستۋدەنتتەرمەن كەرى بايلانىس ورناتۋ (WhatsApp, Instagram, Telegram-بوتتار).
ال 1 تامىزدان باستاپ قىزمەتكەرلەر ستۋدەنتتەردىڭ وتىنىشتەرىن ونلاين جانە وفلاين فورماتتا قابىلداپ, جەدەل قاراستىراتىن بولادى.
ورتالىق جاتاقحاناعا ءادىل جانە ءتيىمدى ورنالاستىرۋدى قامتاماسىز ەتۋگە, سونداي-اق ستۋدەنتتەردىڭ الەۋمەتتىك-تۇرمىستىق جاعدايىن جاقسارتۋعا باعىتتالعان ماڭىزدى قۇرىلىم.
وقۋ جىلى قارساڭىندا ءبىلىم الۋشىلارعا قولايلى ءارى قاۋىپسىز ورتا قالىپتاستىرۋ – ۋنيۆەرسيتەت ۇجىمىنىڭ باستى ماقساتتارىنىڭ ءبىرى. وسى رەتتە «احۋالدىق ورتالىقتىڭ» جۇمىسى 5 قىركۇيەككە دەيىن جالعاساتىن بولادى.
الماتى
