عىلىمي-پەداگوگيكالىق باعىت بويىنشا تۇسۋشىلەردىڭ 50%-ى, بەيىندى باعىت بويىنشا 22%-ى شەكتى بالل جينادى. عىلىمي- پەداگوگيكالىق باعىت بويىنشا ورتاشا كورسەتكىش 77 بالدى, بەيىندى باعىت بويىنشا 24 بالل بولدى. ەڭ جوعارى بالل — 139.
— تەستىلەۋ باستالعالى 54 قاتىسۋشىنىڭ ناتيجەسى جويىلدى. ونىڭ ىشىندە 32 وقۋعا ءتۇسۋشى سمارتفون, شپارگالكا جانە باسقا دا تىيىم سالىنعان زاتتاردى الىپ وتۋگە تىرىسقانى ءۇشىن تەست تاپسىرۋ مۇمكىندىگىنەن ايىرىلدى. كەشەندى تەستىلەۋ كەزىندە ەرەجەلەردى بۇزعانى ءۇشىن اۋديتوريادان 21 ادام شىعارىلىپ, ولاردىڭ ناتيجەلەرى جويىلدى. تەستىلەۋگە كىرگىزۋ بارىسىندا 1 بوگدە ادامنىڭ تەستىلەۋگە كىرۋ ارەكەتى انىقتالدى, — دەلىنگەن حابارلامادا.
تەستىلەۋ ناتيجەلەرىمەن كەلىسپەگەن جاعدايدا ونلاين-اپەللياتسياعا بەرۋ مۇمكىندىگى قامتاماسىز ەتىلگەن. تەستىلەۋ اياقتالعاننان كەيىن 30 مينۋت ىشىندە وقۋعا ءتۇسۋشى بىردەن اپەللياتسياعا ءوتىنىش بەرە الادى. اپەللياتسيا جەتى جۇمىس كۇنى ىشىندە قارالادى. سەرتيفيكات اپەللياتسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.
عىلىمي-پەداگوگيكالىق باعىت بويىنشا ماگيستراتۋراعا ءتۇسۋ ءۇشىن كەمىندە 75 بالل, بەيىندىك باعىت بويىنشا كەمىندە 30 بالل جيناۋ قاجەت.
ەستەرىڭىزگە سالا كەتسەك, ماگيستراتۋراعا تۇسۋگە ارنالعان كەشەندى تەستىلەۋگە 51 مىڭنان استام ءوتىنىش كەلىپ ءتۇستى. ماگيستراتۋرادا وقۋعا 13 مىڭنان استام گرانت ءبولىندى. بيىل ماگيستراتۋراعا تۇسۋگە ارنالعان كەشەندى تەستىلەۋ 21 شىلدەدە باستالدى جانە 7 تامىزعا دەيىن جالعاسادى.
