وسكەمەن. 6 مامىر. وسكەمەن قالاسىنداعى نازارباەۆ زياتكەرلىك مەكتەبىندە قازاقستان حالقى اسسامبلەياسىنىڭ 20 جىلدىعى مەن بۇكىلالەمدىك بي كۇنىنە وراي حورەوگرافيالىق فەستيۆال ءوتتى. بۇل تۋرالى egemen.kz ءتىلشىسى حابارلادى.
«ءبىر ءۇيدىڭ بالاسىنداي» اتاۋىمەن وتكەن فەستيۆال قازاقستانداعى ءتۇرلى ۇلت وكىلدەرىنىڭ بەيبىت ءومىرىن بەينەلەدى. فەستيۆالعا وبلىس ورتالىعىنداعى زياتكەرلىك مەكتەپ وقۋشىلارىمەن بىرگە حالىقارالىق «نۇر وردا» مەكتەبى, № 44 مەكتەپ-ليتسەيى, №24 مەكتەپ-گيمنازياسى جانە مەنوۆنوي ورتا مەكتەبىنىڭ جاس ونەرپازدارى قاتىستى. ولار قازاق, ورىس, كورەي, وزبەك, تۇرىك جانە پارسى حالىقتارىنىڭ ۇلتتىق بيلەرىن بيلەدى.
جيىنعا قاتىسقان قازاقستان حالقى اسسامبلەياسى وبلىستىق فيليالىنىڭ مۇشەلەرى مەرەكەنى ۇيىمداستىرعان مەكتەپ ۇجىمىنا ريزاشىلىقتارىن جەتكىزدى. سونداي-اق, قازاقستان حالقى اسسامبلەياسىنىڭ مۇشەسى, ەلىمىزدەگى تۇڭعىش دوستىق ءۇيىن ۇيىمداستىرۋشىلاردىڭ ءبىرى لەو شيك قازاقستاندىق ۇلتارالىق كەلىسىم مودەلىنىڭ تاتۋلىق پەن تۇراقتىلىقتى ساقتاۋداعى ۇلەسى تۋرالى اڭگىمەلەدى.
دۋمان اناش.
دەرەك, سۋرەت: egemen.kz
