وتكەن اپتادا سپورتشىلار قانداي جەڭىسكە جەتتى

تاەكۆوندو: مالايزيانىڭ كۋچينگ قالاسىندا جاستار اراسىنداعى ازيا چەمپيوناتىندا ەل سپورتشىلارى 3 التىن, 1 كۇمىس, 7 قولا مەدال ولجالاپ, جالپىكوماندالىق ەسەپتە ۇزدىك ۇشتىكتى تۇيىندەدى.

ۇستەل تەننيسى: WTT Youth Contender (الماتى) حالىقارالىق ءىرى تۋرنيرىندە ەل قورجىنىنا ەكى كۇمىس, بەس قولا, بارلىعى جەتى جۇلدە ءتۇستى.

تەننيس: قازاقستاننىڭ ءبىرىنشى راكەتكاسى الەكساندر بۋبليك اۋستريانىڭ كيتسبيۋەل قالاسىندا ATP 250 ءتۋرنيرى فينالىندا الەمنىڭ 100-راكەتكاسى, فرانتسۋز سپورتشىسى ارتۋر كازومەن چەمپيوندىق اتاقتى ساراپقا سالىپ, 6:4, 6:3 كورسەتكىشتەرىمەن جەڭىسكە جەتتى. بۇل – ا.بۋبليكتىڭ ATP دودالارىنداعى جالپى جەتىنشى, بيىلعى ءۇشىنشى تيتۋلى.

ارالاس جەكپە-جەك: وتانداسىمىز اسۋ الماباەۆ (21-3-0) بىرىككەن اراب امىرلىكتەرىنىڭ ابۋ-دابي قالاسىندا UFC تۋرنيرىندە سەگىزبۇرىشقا كوتەرىلىپ, قارسىلاسىنان تورەشىلەر شەشىمىمەن باسىم ءتۇستى.

جازعى ۋنيۆەرسيادا: گەرمانيادا وتاندىق سپورتشىلار 1 التىن, 10 قولا مەدالمەن جالپىكوماندالىق ەسەپتە 37-ورىندى يەلەندى.