فوتو: instagram/akimat_shymrent
بۇعان دەيىن حابارلانعانداي, سوتقا قر قىلمىستىق كودەكسىنىڭ 24-بابى 3-بولىگى («قىلمىس جاساۋعا وقتالۋ») جانە 99-بابى 1-بولىگى («ادام ولتىرۋگە وقتالۋ») بويىنشا ازامات ج.-عا قاتىستى قىلمىستىق ءىس تۇسكەن.
بۇل ءىس بويىنشا كۇدىكتى رەتىندە ەرنار جيەنباي تانىلىپ وتىر. الدىن الا تىڭداۋ اشىق رەجيمدە ءوتىپ جاتىر. الايدا سۋديا ابينۇر قاراباەۆ ايىپتالۋشىنىڭ بەت-ءجۇزىن تۇسىرۋگە تىيىم سالعانىن ءمالىم قىلدى: «تاراپتاردىڭ پىكىرىن ەسكەرە وتىرىپ, ايىپتالۋشىنى تۇسىرۋگە تىيىم سالىنادى», دەدى سۋديا.
ەسكە سالايىق, بيىل 21 ساۋىردە كەشكى ۋاقىتتا شىمكەنت قالاسى اكىمدىگى عيماراتىنىڭ ماڭىندا قالا اكىمىنىڭ ورىنباسارى رۋسلان بەردەنوۆكە وق اتىلعان. شەنەۋنىك جاراقات الىپ, اۋرۋحاناعا جەتكىزىلگەن. كۇدىكتى سول مەزەتتە ۇستالعان.
مامىر ايىندا رۋسلان بەردەنوۆ اۋرۋحانادان جازبا مەن فوتوسۋرەتتەر جاريالاپ, بۇل وقيعا وزىنە, وتباسىنا جانە جاقىندارىنا اۋىر سوققى بولعانىن, الايدا حالىقتىڭ قولداۋى وعان كۇش بەرگەنىن ايتىپ, جاناشىر جاندارعا العىسىن بىلدىرگەنى جانە اياققا تۇرىپ كەلە جاتقانىن ايتقانى ءمالىم.
وعان ءۇش رەت وق اتىلعانى كەيىننەن بەلگىلى بولدى. ونىڭ جۇرگىزۋشىسى شابۋىلداۋشىنى ۇستاۋعا كومەكتەسكەن.
وقيعادان كەيىن جەلىدە ءتۇرلى نۇسقالار تارالا باستادى.
