فوتو: depositphotos.com
Space پورتالىنىڭ مالىمەتىنشە, «عاسىر تۇتىلۋى» 2027 جىلعى 2 تامىزدا ورىن الادى. الايدا استرونوميالىق كوزىلدىرىكتەر مەن كۇن سۇزگىلەرىن دايىنداۋعا ءالى ەرتە, قۇبىلىس وسى جىلى ەمەس, تەك ەكى جىلدان كەيىن بولادى.
سول كۇنى اي كۇننىڭ بەتىن 6 مينۋت 22 سەكۋندقا تولىق جاۋىپ, ءححى عاسىرداعى ەڭ ۇزاق تۇتىلۋ كەزەڭىن قالىپتاستىرادى. بۇل كورسەتكىش 1991 جىلدان بەرگى رەكوردتىق ۋاقىت بولىپ ەسەپتەلەدى, ال كەلەسى وسىنداي اۋقىمدى تۇتىلۋ تەك 2114 جىلدىڭ 16 شىلدەسىندە بولادى دەپ كۇتىلەدى.
ايتا كەتەيىك, 2024 جىلعى 8 ساۋىردە مەكسيكا, اقش پەن كانادادا بايقالعان تولىق كۇن تۇتىلۋى 4 مينۋت 28 سەكۋندقا عانا سوزىلعان ەدى, بۇل دا ەداۋىر ۇزاق دەپ باعالانعان بولاتىن.
2027 جىلعى تۇتىلۋدىڭ تولىق فازاسى سولتۇستىك افريكا مەن تاياۋ شىعىستىڭ 11 ەلىن قامتيدى. اتاپ ايتقاندا, قۇبىلىستى يسپانيا, گيبرالتار, ماروككو, الجير, تۋنيس, ليۆيا, ەگيپەت, سۋدان, ساۋد ارابياسى, يەمەن جانە سومالي تۇرعىندارى ايقىن كورە الادى.
سونداي-اق جارتىلاي كۇن تۇتىلۋى افريكا, ەۋروپا جانە وڭتۇستىك ازيانىڭ باسىم بولىگىندە بايقالادى. ال سولتۇستىك امەريكادا بۇل كۇنى كۇن بەلسەندىلىگى قالىپتى بولادى.
Space جاريالاعان كارتاعا سايكەس, قازاقستاننىڭ بىرقاتار وڭىرلەرى دە بۇل عاجايىپتىڭ كولەڭكەلى ايماعىنا ەنىپ, بەلگىلى ءبىر ۋاقىتتا قاراڭعىلىققا شومۋى مۇمكىن.
