قالا باسشىسىنىڭ ايتۋىنشا, تازالىق مادەنيەتىن قالىپتاستىرۋدا جاستاردىڭ ءرولى زور.
«تازا قازاقستان» جالپىرەسپۋبليكالىق ەكولوگيالىق ناۋقانىن جۇزەگە اسىرۋ ماسەلەسى بويىنشا كەڭەيتىلگەن كەڭەستە اتقارىلعان جۇمىستاردىڭ ناتيجەلەرى, ۆەدومستۆوارالىق ءوزارا ءىس-قيمىلدىڭ تيىمدىلىگى جانە الداعى ۋاقىتتاعى باسىم باعىتتار, سونىڭ ىشىندە تۇرعىنداردى ەكولوگيالىق اكتسيالارعا تارتۋ ماسەلەلەرىمەن تانىسقان اكىم دارحان ساتىبالدى جاستاردىڭ ەكولوگيالىق باستامالارعا كوپتەپ قاتىسۋىنا ەرەكشە نازار اۋدارۋ قاجەتتىگىن العا تارتتى. ويتكەنى, جاستار بۋىنى قورشاعان ورتاعا جاۋاپكەرشىلىكپەن قاراۋ مەن تۇراقتى تازالىق مادەنيەتىن قالىپتاستىرۋدا شەشۋشى رولگە يە.
بۇگىندە قالادا جاستاردىڭ قاتىسۋىمەن ەڭبەك جاساقتارى, ەرىكتىلەر قوزعالىسى, «جاسىل ەل», «ەكورەيندجەرلەر» جوبالارى, ستۋدەنتتىك قاۋىمداستىقتار مەن كوميۋنيتي-ورتالىقتار قالا اكىمدىگىنىڭ جوبالىق كەڭسەسىنىڭ قولداۋىمەن بەلسەندى جۇمىس ىستەپ جاتىر.
«جاسىل ەل» اياسىندا 2 مىڭنان استام جاس سەنبىلىكتەر مەن تانىمدىق ءىس-شارالارعا قاتىستى. 144 000 جاسىل جاسىل جەلەك تەكسەرىلىپ, 35 رۇقساتسىز قوقىس الاڭى انىقتالدى. كوميۋنيتي-ورتالىقتار شاعىن ەكوحابتار رەتىندە جۇمىس ىستەپ, تۇراقتى تۇتىنۋ مادەنيەتى مەن رەسۋرستاردى ۇقىپتى پايدالانۋ ادەتىن قالىپتاستىرىپ وتىر. بۇل باستامالارعا 15 مىڭنان استام الماتىلىق جاس قامتىلعان.
«تازا قازاقستان» اكتسياسى باستالعالى الماتىدا 170-تەن استام ءىس-شارا ۇيىمداستىرىلىپ, 35 مىڭنان استام ادامدى قامتىدى. قالا تۇرعىندارى سەنبىلىكتەرگە, ەكولوگيالىق رەيدتەرگە جانە وزگە دە جوبالارعا بەلسەندى قاتىسىپ كەلەدى.
سونىمەن قاتار كەرى بايلانىس ءۇشىن تسيفرلىق قۇرالدار قولدانىلادى. بيىل شىلدەدە TazaQazBot پلاتفورماسى ارقىلى قالا تۇرعىندارىنان 305 ءوتىنىش ءتۇسىپ, باسىم بولىگى شەشىمىن تاپتى. قازىر سانيتارلىق تازالاۋ, قوقىس شىعارۋ, اعاشتاردى كەسۋ مەن بۇتاۋ, سۋارۋ جۇيەلەرىن قالپىنا كەلتىرۋ جۇمىستارى جۇرگىزىلىپ جاتىر. جاسىل قوردى باقىلاۋ جانە پروبلەمالىق اۋماقتاردى رەتكە كەلتىرۋ جۇمىستارى قاتار اتقارىلىپ وتىر.
دارحان ساتىبالدى جاستاردىڭ اتسالىسۋىن كۇشەيتۋدى, كرەاتيۆتى فورماتتار مەن تسيفرلىق باستامالاردى قولداۋدى, اۋماقتاردىڭ سانيتارلىق جاعدايىنا تۇراقتى مونيتورينگ جۇرگىزىپ, تۇرعىندار اراسىندا TazaQazBot پلاتفورماسىنىڭ قولدانىسىن كەڭەيتۋدى تاپسىردى.
الماتى
